Stano: Për heqjen e masave ndaj Kosovës vendos BE, s’ka vendim final

Zëdhënësi i Bashkimit Evropian, Peter Stano, tashmë duke i qëndruar besnik dezhurni të Serbisë në Prishtinë, duke ju përgjigjur Kryeministrit Albin Kurti tha se për heqjen e masave ndëshkuese që BE ka vendosur ndaj Kosovës, vendosin shtetet anëtare e jo Qeveria e Kosovës.

“Kur i kemi vendosur masat kemi thënë se ato janë të përkohshme dhe mund të hiqen. Por, për këtë vendosin vendet anëtare të BE-së, e jo Qeveria e Kosovës. Masat nuk ishin vendosur vetëm për një arsye, por për disa. Diskutimet për këtë janë në vazhdim e sipër në BE dhe vendet anëtare do të vendosin se a do të hiqen masat dhe kur, a do të hiqen të gjitha apo pjesërisht,” tha Peter Stano duke shtuar se vendimi për heqjen e mundshme të masave ndaj Kosovës kërkon një konsensus më të gjerë në gjithë BE-në.

“Kur shtetet anëtare vendosin ta bëjnë këtë dhe arsyet nuk ekzistojnë më, ata do të vendosin të heqin masat përsëri, gradualisht ose tërësisht. Por, nuk lidhet vetëm me një incident apo një ngjarje,” tha Zëdhënësi i Bashkimit Evropian, Peter Stano.

Ndryshe, sot Kryeministri Albin Kurti duke fol në Këshillin Ministror për Integrim Evropian, tha se Qeveria e Kosovës i ka përmbushur të gjitha kërkesat e BE-së për heqjen e masave kufizuese.

“Ka masa që janë vendosur ndaj Kosovës për arsye specifike. Kur shtetet anëtare vendosin ta bëjnë këtë dhe arsyet nuk ekzistojnë më, ata do të vendosin të heqin masat përsëri, gradualisht ose tërësisht. Por, nuk lidhet vetëm me një incident apo një ngjarje,” tha Kryeministri i Kosovës, Albin Kurti.

Komisioni Evropian ka vendosur masa ndëshkuese ndaj Kosovës një vit më parë për shkak të përshkallëzimit të situatës së sigurisë në veri të shtetit. Masat e vendosura nga BE ndaj Kosovës përfshijnë: pezullimin e përkohshëm të grupeve të punës për Marrëveshjen e Stabilizim Asociimit, mos ftesën e Kosovës në takime të nivelit të lartë dhe pezullimin e vizitave dypalëshe.