“Statuti i PD”, Gjykata e Apelit sërish u shtyn seancën asqerëve të Edi Ramës!
Pse u dashurua me të qenurit në opozitë Lulzim Basha me një tufë të njerëzve të paaftë, kjo është e qartë për të gjithë, por, pse kjo tufë me dy ish-ministra të Drejtësisë nuk e kopsit dot një kërkesë drejtuar Gjykatës së Apelit, kjo nuk është e qartë dhe nuk do të jetë për asnjë shqiptar sa të jetë jeta!
Pas tre muajve të nisjes së procesit gjyqësor në Gjykatën e Apelit, ku ky llum i Partisë Demokratike kërkoi apelimin e vendimit të Gjykatës së Rrethit Gjyqësor Tiranë që nuk lejoi bashkimin e vendimeve dy Kuvendeve që ata i kanë mbajtur për qejfin e vetë dhe pa delegatë, dhe pasi “e sëmurën” avoktain e shkretë disa herë, sot u kujtuan se relatorja e caktuar më 5 tetor, Irida Kacerja, duhet të përjashtohet!
Dhe, arsyetimi ishte epik! Dy ish-ministrat e Drejtësisë që i japin mend Lulzim Bashës se si nuk duhet të fitohen zgjedhjet, dhe llahtarisin dynjanë se sa antikomunistë që janë, për këtë çështje gjyqësore kanë angazhuar një socialistë të thekur, avokat i Albcontrol dhe ish-kandidat në zgjedhje i partisë Libra në Durrës, Rezart Kupthi!
Ky i shkreti, pa dhënë mend si shefat e tij, thotë se nga ana e kërkuesve, pra dy ish-ministrat e Drejtësisë, është vlerësuar si paragjykim fakti që seancën e kaluar gjykata kërkoi saktësim të aktit të përfaqësimit.
Paragjykim! Edhe mund të jetë paragjykim sikur dy ish-ministrat e Drejtësisë, aktualisht asqerë të Edi Ramës, të kishin paragjykuar sëmundjen e avoktatit të tyre kur ishte seanca gjyqësore ose mungesën e gjyqtares Emona Muçi kur nuk u formua trupi gjykues!
Madje nga paragjykimi i këtij lloji u rezervua edhe avokati socialist Kupthi, i cili këtë kërkesë të relatores Kacerja nuk e cilësoi paragjykim, por tha se “nga ana e kërkuesëve është vlerësuar paragjykim”!
Kjo është Drejtësia që do Edi Rama me asqerët e tij, në detyrë “antikomunistë” ndërsa në seancën e radhës që gjyqtarja e ka caktuar më 17 janar, do presim se çfarë do shpikin dy ish-ministrat e Drejtësisë!
