Stephen Biegun, “Ambasador i ri” i SHBA në Rusi

 I dërguari i Shteteve të Bashkuara në Korenë Veriore, Stephen Biegun, ka mundësi të emërohet si Ambassador i ri në Rusi nga Presidenti amerikan, Donald Trump, ka raportuar Vox News dhe Reuters, duke cituar burime familjare me këtë çështje në Shtëpinë e Bardhë.

Ambasadori aktual, Ish-Guvernator në Utah, Jon Hunstman, që do të largohet nga Moska më 3 tetor, është raportuar se mund të kandidojë sërish në pozitën e Guvernatorit. Ai ka shërbyer në Rusi, nga tetori i vitit 2017.

Stephen Biegun, që njihet si ekspert për Rusinë, ka kaluar kohë në Këshillin për Siguri Kombëtare, në kohën e Presidnetit amerikan, George W. Bush, si ndihmës për çështje të sigurisë.

Beigun nuk ka komentuar raportimet e Vox News, të cilat janë publikuar fillimisht, derisa Departamenti amerikan i Shtetit tha për Agjencinë e lajmeve Reuters, se nuk ka ndonjë njoftim “administrativ” që duhet bërë.

Marrëdhëniet në mes të Shteteve të Bashkuara dhe Rusisë janë në një cikël tensionesh që kanë nisur më 2014, kur Moska ka aneksuar Krimenë nga Ukraina.

Përveç kësaj, agjencitë amerikane të inteligjencës kanë vërtetuar se Rusia ka ndërhyrë në zgjedhjet presidenciale të vitit 2016 në SHBA dhe do të synojë të veprojë njëjtë në zgjedhjet e vitit 2020.

Si I dërguar special në Korenë Veriore, Biegun ka tentuar të rikthejë negociatat për denukelarizim pasi presidenti Trump është takuar me liderin verikorean, Kim Jong Un, në dy samite.

Megjithatë Beigun duhet të ketë miratimin e Senatit për të fituar pozitën e ambasadorit në Rusi.