“Sterilizimi”, Noka: Nga paniku se po ju del e vërteta e hajdutërisë, ju shkelni çdo normë dhe rregullore!

Pas sulmit ndaj deputetëve të opozitës nga ana e hajdutit në pranga Ilir Beqaj, ka reaguar në seancë plenare Sekretari i Përgjithshëm i Partisë Demokratike, Flamur Noka, duke theksuar se një hajdut dy metër i gjatë i burgosur për vjedhje, i inkurajuar nga dhuna verbale që kryeministri i këtij vendi ushtron nga mëngjesi në darkë kundër opozitës, guxon që të sulmojë, agresojë në Kuvendin e Shqipërisë, deputetët e Komisionit Hetimor të Shëndetësisë.

“Një hajdut në vend që të japë llogari sepse ishte i thirrur aty nën betim, për të dhënë llogari, ajo sjellje, çfarë tregon. Tregon qasjen tuaj për të mbrojtur hajdutët. Të njëjtën gjë që bëtë për Olta Xhaçkën, të njëjtën gjë që doni të bëni për Frida Krifcën, u përpoqët dje, që megjithëse i burgosur, me fakte e prova, u përpoqët dje që të minoni punën e komisionit hetimor, megjithëse rregullat e Komisionit i keni tjetërsuar ju dhe i keni miratuar të tjetërsuara dhe jo siç duhet të ishin. E përsëri paniku se po ju del e vërteta e hajdutërisë në shesh, bën që ju të shkelni çdo norma, standard dhe rregullore,” tha Flamur Noka duke kërkuar dhe ndëshkimin e të gjithë atyre që janë përgjegjës për këtë agresion ndaj opozitës.

“Komandanti i Gardës duhet të mbajë përgjegjësi para ligjit, që mbrëmë e ka lënë komisionin hetimor të shëndetësisë, pa gardistë, pa asnjë punonjës garde në sallën ku zhvillohej komisioni dhe Ilir Beqaj, hajduti dy metra së bashku me avokatin e tij, guxonin të intimidonin deputetët,” tha nga foltorja e parlamentit Sekretari i Përgjithshëm i Partisë Demokratike, Flamur Noka, duke i kujtuar kryeparlamentares se në bazë të rregullores për Komisionet Hetimore, Kryetari i Komisionit urdhëron gardën të hyjë apo të dalë.

Deklaratë:

Dje një hajdut dy metra i gjatë, i burgosur politik.

E para shkelje e rregullores pa papasur deputetët. Seanca parlamentare çelet kur janë deputetët në sallë, ju e keni hapur pa pasur deputetët.

Nuk mund të fillojë seanca pa korum.

E dyta, dje një akt i turpshëm i inkurajuar nga dhuna që ju ushtroni ndaj opozitës, i inkurajuar nga dhuna e policisë ndaj opozitës, në kundërshtim me ligjin që hyn në sallën e parlamentit, i inkurajuar nga dhuna që ju i jepni urdhër gardës të ushtrojë ndaj opozitës, i inkurajuar nga dhuna verbale që kryeministri i këtij vendi ushtron nga mëngjesi në darkë kundër opozitës, një hajdut dy metër i gjatë, i burgosur për vjedhje, guxon që të sulmojë, agresojë kuvendin e Shqipërisë, deputetët e komisionit hetimor të shëndetësisë.

Një hajdut në vend që të japë llogari sepse ishte i thirrur aty nën betim, për të dhënë llogari.

Një hajdut dy metër i gjatë ka vetëm dinjitetin e hajdutit.

Dhe ajo sjellje, çfarë tregon. Tregon qasjen tuaj për të mbrojtur hajdutët. Të njëjtën gjë që bëtë për Olta Xhaçkën, të njëjtën gjë që doni të bëni për Frida Krifcën, si hajdute e kapur në flagrancë, u përpoqët dje, që megjithëse i burgosur, me fakte e prova, u përpoqët dje që të minoni punën e komisionit hetimor, megjithëse rregullat e komisionit i keni tjetërsuar ju dhe i keni miratuar të tjetërsuara dhe jo siç duhet të ishin.

E përsëri paniku se po ju del e vërteta e hajdutërisë në shesh, bën që ju të shkelni çdo norma, standard dhe rregullore.

Komandanti i Gardës duhet të mbajë përgjegjësi para ligjit, që mbrëmë e ka lënë komisionin hetimor të shëndetësisë, pa gardistë, pa asnjë punonjës garde në sallën ku zhvillohej komisioni dhe Ilir Beqaj, hajduti dy metra së bashku me avokatin e tij, guxonin të intimidonin deputetët.

Në bazë të rregullores për Komisionet Hetimore apo dhe komisionet parlamentare, kryetari i Komisionit urdhëron gardën të hyjë apo të dalë, sikundër dhe ju keni urdhëruar në shkelje të ligjit, gardën, ashtu urdhëron dhe kryetarja.

Frika nga hetimi, ajo që ishte mbrëmë, thelbi është se ajo tregon fytyrën e hajdutërisë.