“Stërvitje të përbashkëta”/ Rusia dërgon në Serbi sistemin raketor S-400

Ministria e Mbrojtjes e Rusisë ka konfirmuar se ka dërguar sistemet raketore për mbrojtje S-400 dhe Pantsir-S në Serbi për, siç thuhet, stërvitje të përbashkëta ushtarake.

Ministria tha sot se sistemet raketore tokë-ajër do të pozicionohen në bazën Batajnica, jashtë kryqytetit serb, Beograd, raporton RFE, duke shtuar se kjo është hera e parë që sisteme të tilla do të paraqiten në stërvitje ushtarake jashtë Rusisë.

Këto njësite do të jenë pjesë e fazës së dytë të stërvitjeve ushtarake Rusi-Serbi, të cilat do të vazhdojnë deri më 29 tetor.

Faza e parë e stërvitjeve është realizuar në rajonin rus, Astrakhan në muajin shtator.

Serbia, ndonëse ka synime për anëtarësim në Bashkimin Evropian, mban lidhje të ngushta me Rusinë.

Gjatë një vizite në Beograd javën e kaluar, kryeministri rus, Dmitry Medvedev ka thënë se ai pret nga homologia e tij serbe, Ana Brnabiq, që të nënshkruajë një marrëveshje për tregti të lirë me Unionin Ekonmik të Euroazisë, kur ajo të vizitojë Moskën më 25 tetor