Stockholm-Helsinki, lundrimi ku turistët serbë mashtrojnë për t’u ngopur me bukë
Probleme me turistët serbë nuk kanë vetëm grekët, ku muaji shtator në Greqi ka shumë vite që është dhe muaji ku të gjithë ata që vijnë nga Serbia, i bëjnë zahiretë e dimrit në apartamentet që marrin me qira!
Një Agjenci turistike që ka oferta shumë të mira në shtetet skandinave, ku me vetëm 500 euro vizitohen disa shtete për dy javë, kishte probleme me turistë serbë në pjesën e lundrimit me anije nga Stockholmi në Helsinki.
“Gjatë kësaj aventure turistike, mëngjesi është 17 euro, vërtetë është shtrenjtë kur kemi parasysh se udhëtarët tanë janë kryesisht pensionistë. Megjithatë, janë turistë serbë dhe shpikën mashtrimin,” ka rrëfyer për Nova.rs një punëtore turistike duke shtuar:
“Futet njëri, konsumon mëngjesin dhe me një filxhan kafeje del në zonën ku pihet duhani, sikur po pushon. Aty i jep filaxhanin personit tjetër i cili kthehet në restorant për të konsumuar vaktin e mëngjesit pa lekë,” thotë punëtorja turistike për mashtrimin serbë që personeli i restorantit në anije nuk e ka zbuluar, dhe kështu kanë ngrënë për shumë kohë me një të paguar disa persona deri sa u zbulua:
“Në fund mashtrimi u zbulua nga ciceroni, ndërsa të punësuarit as që e kishin imagjinuar se një gjë e tillë mund të ndodhë!”
Dhe jo vetëm kaq! Ajo kujton një moment edhe me të sikletshëm me turistët serbë.
“Një herë më erdhi ankesa se njëra prej udhëtareve tona kishte futur në çantë një proshutë të tërë. E dija që turistët në rastet e vetëshërbimit në restorant, bënin sanduiçe për më vonë, por kjo ishte e rrallë. Madje me një rast kemi marrë një kërkesë nga një udhëtare që të heqim fare vaktin e mëngjesit sepse u turpëruam.“
Por, serbët nuk shquhen vetëm me sjellje të turpshme si turistë! Këtë vit, Serbia u rendit edhe në listën e turpit për sjelljen ndaj turistëve që vizituan shtetin serb.
Pse turistët botëror janë zhgënjyer në Serbi dhe nuk do të ktheheshin më kurrë?! Bored Panda raporton se Serbia u rendit e 24-ta në listën e turpit prej 30 shteteve që kryesohet nga Japonia, Egjipti dhe Gambia, me vërejtjet kryesore për shtetasit serbë, se nuk kanë vlera perëndimore, s’janë tolerantë dhe nuk janë mikpritës ndaj njerëzve të racave të tjera.
Ndryshe, duke pasur parasysh këtë realitet, kjo mund të jetë dhe arsyeja kryesore pse Kryeministri Edi Rama është aq shumë i dashuruar me Serbinë dhe Presidentin e saj Aleksandar Vuçiç.
