Stoltenberg: Gjeorgjia do t’i bashkohet NATO-s,nuk vendos Rusia…
Gjatë vizitës në Gjeorgji, Sekretari i Përgjithshëm i NATO-s, Jens Stoltenberg, tha se ky vend do t’i bashkohet NATO-s, pavarësisht kundërshtimeve të fuqishme të Kremlinit, raporton RFE.
Stoltenberg takoi në Tbilisi zyrtarët gjeorgjianë dhe ndoqi një stërvitje ushtarake midis NATO-s dhe Gjeorgjisë.
Duke folur përkrah kryeministrit gjeorgjian, Mamuka Bakhtadze, ai tha se 29 vendet anëtare të NATO-s “kanë deklaruar qartë se Gjeorgjia do të bëhet anëtare e NATO-s”.
“Do të vazhdojmë të punojmë së bashku për ta përgatitur anëtarësinë e Gjeorgjisë. Nuk pranojmë që Rusia ose ndonjë fuqi tjetër të vendosë”, tha Stoltenberg.
