Strategjia për Ballkanin Perëndimor/ Kocijançiç: Nuk është dështim nëse nuk ka marrëveshje më 2019

Bashkimi Evropian e ka rritur angazhimin në Ballkan, po punon për një marrëveshje të pranueshme për të dy palët, por zëdhënësja e Komisionit Evropian, Maja Kacijançiç, thekson se nuk është dështim nëse nuk arrihet marrëveshje midis Beogradit dhe Prishtinës në vitin 2019, siç është përcaktuar në projekt-strategjinë për Ballkanin Perëndimor.

“BE po punon për një marrëveshje të bazuar në të drejtën ndërkombëtare, e cila do të ishte realiste dhe e pranueshme për të dy palët. Qëllimi është një marrëveshje ligjërisht e detyrueshme që do të zgjidhë të gjitha çështjet e hapura”, tha Kocijançiç duke mos dhënë ndonjë datë konkrete lidhur me arritjen e Marrëveshjes, pasi sipas saj, kjo do të varet nga progresi i bisedimeve.

Bashkimi Evropian, tha Zëdhënësja Maja Kocijançiç, pret që Serbia dhe Kosova të vazhdojnë dialogun me të njëjtin angazhim si më parë.