Protesta/ Studentët para Ministrisë, Lindita Nikolla në konferencë për media…
Për dallim nga kryeministri Edi Rama që vazhdon dhe fyen nëpër rrjete sociale studentët që protestojnë, Ministrja e Arsimit, Lindita Nikolla, e cila u kundërshtua nga protestuesit doli në konferencë shtypi duke theksuar se ka marrë në dorë kërkesat e studentëve dhe se është e hapur të takoj një përfaqësi të studentëve por jo në rrugë:
“Kanë kërkuar një takimin me ministren në shesh. Ata s’meritojnë tu përgjigjesh pa dëgjuar nevojshëm dhe mjaftueshëm njeri-tjetrin, meritojnë tu përgjigjen edhe në zyrën e ministrisë edhe në auditorë apo aula të tjera ku komunikimi mund të jetë etik,” tha ministrja e arsimit duke qenë e bindur për të vërtetën që i kanë raportuar Dekanët e fakulteteve përkatëse pa i dëgjuar studentët:
“Studentët janë njerëz të lirë, janë në të drejtën e tyre të protestojnë për dicka që ata ndjejnë. Por e vërteta është tjetër. Ka nisur si një reagim në fakultetin e Arkitekturës për shkak se administratorja e atij Universiteti ka vendosur një afat kohor për pagesën e tarifës, gjë të cilën studentët kanë dashur në një kohë tjetër pagesën e tarfiës, gjë që është pranuar nga stafi i Universitetit. Edhe Dekani ka qenë në komunikim me ta. Ky moment është përdorur nga segemente të tjera për të pasur në kërkesë më të madhe, për të ulur tarifat e studimit. Por nuk ka asnjë rritje të tarifave të studimit. Dhe tjetra kërkojnë është që studentët që mbesin nuk duhet të paguajnë vitin që përsëritin. Unë, zv.ministrja dhe këshilltari kemi kërkuar që një përfaqësi e tyre të vijnë dhe të diskutojnë. Për mua nuk ka rëndësi nga inkurajohen dhe nga e marrin nxitjen. Unë jam e vendsour për të komunikuar dhe të sqaroj.”
Lidhur me kërkesën për pagesat me këste ajo sërish e konisderonkëtë kërkesë si absurde meqë ajo nuk ekziston:
“Administratorët e Universiteteve Publikë kanë ndryshuar dhe kanë vendosur të paguajnë me këste. Sic ka qenë pagesa, të vijohet edhe në vitet e tjera akademike”, u shpreh ministrja.
Ndërsa për ata studentë që Edi Rama i quan “ngelës” dhe ministrja e Arsimit i quan “studentë që mbesin”, Lindita Nikolla nuk kishte përgjigje rilindase por të “Shqipërisë Evropiane”, fajet i ka Saliu!
“Kërkesa është që studentët që mbesin mos paguajnë tarifën. Ju bëj me dije se edhe me ligjin e vjetër ka qenë njësoj. Studentët që ngeleshin paguanin vitin. Kjo është e shkuar dhe në aktet ligjore të mëparshme. Ajo që është vullneti i Universiteteve, por edhe i shoqërisë është se nuk duhet të dekurajojmë cilësinë, por të motivojmë cilësinë. Por unë jam tejet e qetë, me durim dhe vullnet për të komunikuar me studentët. Unë nuk mund të dal në rrugë dhe të komunikoj, sepse vetë studentët nuk e meritojnë të komunikoj në rrugë,” tha ministrja e Arsimit duke menduar se sqaroi gjithçka ndonëse studentët janë të vendosur duke e bërë të qartë në zë:
“Ne nuk ikim!”
