Studentët serbë paralajmërojnë pritjen e Vitit të Ri me 15 minuta heshtje, Vuçiç u jep leksion terroriste

Studentët serbë paralajmëruan për sonte se do të presin vitin e ri 2025 duke filluar nga ora 23:52 me 15 minuta heshtje për 15 të vrarët nga streha e Stacionit të Trenit në Novi Sad ndërsa Presidenti i Serbisë, Aleksandar Vuçiç, e priti me ironi këtë iniciativë ashtu si dhe lajmin se studentë nga Kroacia dhe Ukraina po trajnojnë kolegët e tyre serbë se si ta rrëzojnë pushtetin.

“Një minut heshtje nuk mbahet mbas 40 ditëve. Orari ndryshoi për të bërë një foto për Instagram, sikur nuk është në 11:52 por para mesnatës, e kjo me qëllim që të kapet momenti para Vitit të Ri në mënyrë që ti shohin të gjithë, dhe të tjerëve t’u prishin pritjen e vitit ri,” tha Vuçiç me ironinë e tij rurale ndërsa garantoi se do të marrin gjithçka që kërkojnë teksa dha leksione terrorizmi për të gjithë ata studentë serbë që presin kolegët e tyre kroatë.

“Nuk e kuptoj këtë kohë. Kur kam qenë student, neve sikur të na vinin studentë nga Zagrebi ne do ti përndjeknim. E tani ata vinë dhe i trajnojnë. Ne i trajtuam mirë. Nuk i arrestuam, siç bëjnë ata me serbët sepse këndojnë dhe i publikojnë në Facebook,” tha Vuçiç ndërsa për vizitën e studentëve kroatë te Shtëpia e Luleve ku është varri i Titos sërish vazhdoi me ironi:

“Nuk e dija që Shtëpia e Luleve është atraksion turistik me Fakultetin Elektroteknik në Beograd, ku shkuan gjithashtu studentët e huaj. Këto dy destinacione do të përfshihen në guida turistike,” tha Presidenti i Serbisë, Aleksandar Vuçiç, i bindur se po bënë humor ndonëse si i tillë përfundoi në televizionet kombëtare dhe jo vetëm, duke mburrur presidentin që përballë ka, sipas tyre, studentë injorantë!