Studimi i ri, vaksinat kanë efekte anësore pozitive për shëndetin mendor

Vaksina kundër COVID-19 ndikon pozitivisht në shëndetin mendor të amerikanëve të imunizuar, madje edhe pas dozës së parë, thekson Studimi i ri pranë Universitetit të Kalifornisë së Jugut.

Hulumtimin të cilin e ka financuar kompania e Melinda dhe Bill Gates është realizuar në rreth 8.000 amerikanë.

“Vaksinimi mund të përmirësoj cilësinë e jetës, rezultatet në punë, ti mundësoj njerëzve që të vazhdojnë me aktivitetet e zakonshme, që të jenë më aktiv në shoqëri, të kthehen në zyrë dhe të punësohen,” theksojnë shkencëtarët.

Qendra amerikane për kontrollin dhe parandalimin e sëmundjeve ka bërë të ditur se masat shëndetësore publike, siç është distancimi social, janë të domosdoshme në parandalimin e pandemisë, por tek njerëzit krijojnë edhe ndjenjën e izolimit dhe vetmisë dhe mund të shkaktojnë stres dhe ankth.

Parandalimi i mungesës së kontakteve intime

Vaksinimi mund të parandaloj pasojat e dëmshme duke përfshirë këtu “mungesën e kontakteve intime” për të cilat ekspertja nga Sorbonna, Louise Kirsch dhe kolegu i saj nga University College në Londër theksojnë se “është i lidhur me ankthin e shtuar dhe vetminë më të madhe”.

Studimi i Kirsch, i cili u realizua gjatë mbylljes së parë të vitit të kaluar, tregon në “rolin e rëndësishëm të kontaktit ndërpersonal e në veçanti atij intim gjatë periudhave stresuese”. “Kontakti intim, përkundër atij miqësor dhe profesional, ishte më së shumëti I mohuar në pandemi, por të tjerët janë treguar më të rëndësishëm për shëndetin psikik,” thekson studimi.