Studimi, kriza e kostos së jetesës e nxitur nga inflacioni, shkurton jetën

Kriza e kostos së jetesës në Mbretërinë e Bashkuar, që është nxitur nga inflacioni, mund ta shkurtoj jetën dhe të rrisë dukshëm hendekun në mes të shëndetit dhe pasurisë, thekson studimi i cili u publikua në revistën BMJ Public Health.

Studimi parashikon që grupi i njerëzve që do të vdesin para kohe (nën 75 vjeç) do të rritet për 6.5 për qind për shkak të periudhës afatgjatë me çmime të larta.

Familjet më të varfëra do të kenë katër herë më shumë rastet të vdekjes se sa familjet e pasura, si dhe parashikohet që të varfërit do të duhet ta lënë pjesën më të madh të të ardhurave të tyre për energji, shpenzime të të cilëve janë rritur dukshëm.

Studiuesit kanë hulumtuar edhe ndikimin e inflacionit në shkallën e vdekshmërisë në Skoci në periudhën prej vititi 2022 deri në vitin 2023, me dhe pa masat qeveritare për zbutjen e ndikimit të inflacionit. 

Të dhënat më pas janë përdorur për modelimin e rezultateve të ndryshme potenciale për të ardhmen e jetgjatësisë së pritshme në Britaninë e Madhe.

Pas masave qeveritare, inflacioni mund të rris rastet e vdekjes për 5 për qind në zonat e varfëra dhe për 23 për qind në zonat shumë të varfëra. Me masat qeveritare kjo ulet në 2 për qind për të pasurit dhe 8 për qind për të varfërit, me shkallën e përgjithshme rreth 6.5 për qind.

Në total, jetëgjatësia e pritshme do të ulej gjthësesi, thekson studimi.

Ndryshe, inflacioni në Britani është ngadalësuar në muajin gusht nga 11.1 për qind në 6.7 për qind, por vazhdon të jetë më e larta në grupin e vendeve të G7-së, e nxitur me izolimin për shkak të koronavirusit, Brexitit dhe luftës në Ukrainë.