Stuhi, acar dhe borë gjatë natës, ARRSH: Sot gjendja e rrugëve është…

Temperaturat e ulëta dhe era e fortë shoqëruan gjatë natës të gjitha zonat e vendit ndërsa kishte dhe zona ku reshjet e borës nuk ndaluan. Në segmentin “Kuben-Vasije” ka pasur reshje bore 4-5 cm, shoqëruar me erë të fortë në formë cikloni por Autoriteti Rrugor Shqiptar, ARRSH, sot në mëngjes raporton se në Veri të Shqipërisë qarkullimi realizohet normalisht dhe pa zinxhirë ndërsa vazhdon puna për spërkatjen me kripë në vendet ku ka akull e ngrica.

Në akset rrugore në Jug nuk ka pasur reshje gjatë natës por temperaturat ishin të ulëta kur shkuan deri në -10 ° në disa zona, si Dardha dhe Qafa e Qarrit ku ka pasur dhe erë të fortë dhe temperatura ishte -7 ° ndërsa në disa zona në aksin rrugor Korçë-Ersekë temperatura u shënua deri -10 °.

Gjithsesi, gjatë gjithë natës, raporton ARRSH, kanë vazhduar punimet e mirëmbajtjes dimërore në aksin rrugor Korçë-Ersekë ku qarkullimi kryhet pa zinxhir, ndonëse temperatura shkoi deri në -10°C dhe shoqerohej me erëra të forta.

ARRSH i bënë thirrje pëdoruesve të rrugës të respektojnë sinjalistikën rrugore. ndërsa nga orët e para të mëngjesit 3 borëpastruese përgjatë këtij aksi vazhdojnë punën

Njoftim:

Rajoni Verior

Gjatë natës problem kanë qenë temperaturat e ulëta dhe era e fortë.

Ne segmentin “Kuben-Vasije” ka pasur reshje bore 4-5 cm, shoqëruar me erë të fortë në formë cikloni.
Qarkullimi realizohet normalisht dhe pa zinxhirë në të gjitha akset e e rajonit verior.

Rajoni Qendror

Në të gjitha akset e Rajonit Qendror qarkullimi kryhet normalisht.
Vazhdon puna për spërkatjen me kripë në vendet ku ka akull e ngrica.

Rajoni Jugor

Në akset rrugore të Rajonit Jugor qarkullimi kryhet normalisht.

Nuk ka pasur reshje gjatë natës. Temperatura deri në -7 ° në disa zona, si: Dardha dhe Qafa e Qarrit ku ka pasur dhe erë të fortë.

Është punuar me kriposjen e akseve.

Të gjithë kontraktorët janë në gatishmëri për përballimin e çdo situate.

Vijon puna për pastrimin e akseve dhe kriposjen në vendet ku ka ngrica dhe akull nga temperaturat e ulëta.