Stuhi në Himarë, përmbytet varka e peshkimit – një i vdekur
Një stuhi që goditi bregdetin shqiptar ishte fatale për një familje shqiptare që me varkën e tyre kishte dalë për peshkim. Shërbimet e Policisë Kufitare në Himarë kanë arritur të shpëtojnë 3 persona që po mbyteshin në det, por jo edhe gruan e cila filimisht humbi në det dhe më pas u gjetë e pajetë.
“Një milje përballë Dhërmiut, Policia Kufitare në bashkëpunim me Rojën Bregdetare bënë të mundur gjetjen e shtetases M.R , e cila ka humbur jetën si pasojë e mbytjes në det,” tha Policia Kufitare pasi arriti ta gjejë të mbytur në det viktimën e cila u identifikua si Mirela Rama. Ndërkohë
Një nga të shpëtuarit, Fatjon Resulaj për News 24 ka rrëfyer momentet e ferrit:
“U nisa në 6.00 sot nga Moli i Himarës. Ishte fillimisht koha e mirë, ndërsa për 10 minuta u bë ciklon me shi dhe përmbysi varkën. Ne e pamë nga larg dhe ishte vonë. Ishim katër vetë. Ishte shoku im së bashku me djalin dhe nusen e tij. Zonja është e humbur dhe vazhdojnë kërkimet.
Pasi u përmbys anija, ne u mbajtëm tek anija fort. Djali u përpoq që të shpëtojë nënën, edhe ne, por situata ishte e rëndë shumë. Kemi bërë 5 kilometra rrugë dhe donim që ta shpëtonim, por ishte shumë e vështirë, mund të na rrëmbente rryma edhe neve,” tha i mbijetuari Fatjon Resulaj.
Ndryshe, shërbimet e Policisë kufitare Dhërmi kanë marrë një telefonatë mëngjesin e sotëm se një mjet lundrues ka dalë në det për peshkim dhe si pasojë e dallgëve të mëdha dhe motit të keq personat që ishin në bord rrezikonin të mbyteshin në Gjipe.
Shërbimet e Policisë Kufitare kanë dalë me mjetin lundrues menjëherë në drejtim të adresës së dhënë dhe kanë njoftuar edhe rojën bregdetare për ndihmë.
Si rezultat i operacionit të përbashkët të Policisë Kufitare dhe rojës bregdetare dhe ndihmës nga një mjet lundrues turistik i rastit, u bë e mundur të shpëtohen shtetasit Robert Rama, Avdul Rama dhe Arsen Rama, ndërsa shtetasja Tefta (Mirela) Rama e cila kishte humbur në det, pas kërkimeve intensive të Policisë Kufitare dhe të rojës bregdetare, u gjet por fatkeqësisht e mbyutur.
Personat e shpëtuar u dërguan në Jalë, e me ambulancën e qendrës shëndetësore Himarë u transportuan drejtë spitalit ku janë jashtë rrezikut për jetën.
