Stuhi në Tiranë, Durrës dhe Lezhë, pezullohen fluturimet në Rinas

Mesdita në Tiranë u përfshi nga reshje të dendura shiu e stuhi, të cilat kanë shkaktar edhe dëme në kryeqytet.

Në shumë rrugë të Tiranës, për shkak të erës së fortë pemët në anë të rrugës kanë rënë mbi automjete por ende nuk dihet nëse ka persona të lënduar, ndërsa në rrugë është vështirësuar qarkullimi i automjeteve u pezulluan fluturimet në Aeroportin e Rinasit.

Pas stuhisë filluan reshje intensive të shiut, që ashtu siç parashikoi Insituti i Gjeoshkencave po shoqërohen me shtrëngata.

Tiranës me stuhi dhe reshje shiu iu shoqërua, Durrësi, Lezha, dhe për pak kohë i gjithë bregdeti shqiptar.

Sot pasdite, parashikon Instituti i Gjeoshkencave, priten reshje intensive në qarqet Lezhë Durrës dhe Tiranë. Në qarqet Shkodër, Dibër, Elbasan, Vlorë dhe Gjirokastër priten reshje mesatare deri lokalisht intensive. Në qarkun Kukës dhe Fier priten reshje mesatare, ndërsa në qarqet e tjerë priten reshje të dobëta deri lokalisht mesatare (siç tregohet në tabelë, respektivisht për secilin qark).

Reshjet priten të shoqërohen me shtrëngata në të gjitha qarqet.

Shtrëngatat dhe intensiteti i lartë i reshjeve, për momente të shkurtra, mund të krijojnë probleme të ndryshme, si dhe vërshime të ujit në zonat urbane, në varësi të sistemit të kanalizimeve në qarqet Shkodër, Kukës, Dibër, Lezhë, Durrës, Tiranë, Elbasan, Fier dhe Vlorë.