Stuhia Ciara në Evropën veriore, anulohen udhëtimet me tren, avionë dhe tragete

Udhëtimet me tren, avionë dhe tragete janë anuluar dhe paralajmërimet për mot të keq janë lëshuar në të gjithë Mbretërinë e Bashku pasi një stuhi ere me forcë uragani deri në 129 km/orë, e pagëzuar “Ciara”, do të godasë rajonin.

Me erërat e forta dhe shi, parashikuesit e motit deklaruan që Stuhia Ciara do të godiste Irlandën, Francën, Belgjikën, Holandën, Zvicrën dhe Gjermaninë.

Stuhia Ciara pritet të sjellë vonesa dhe anulime në transportin ajror, tragete dhe trena, dëmtim të shtëpive dhe ndërprerje të energjisë,” tha Agjensia Kombëtare e Motit në Britani.

Të paktën 10 kompani hekurudhore në Britani kanë dalë me paralajmërime “mos udhëtoni”, dhe gati 20 të tjera u kanë thënë pasagjerëve të përgatiten për vonesa pasi erërat e forta të dielën pritet të dëmtojnë telat elektrikë.

Aeroporti Heathrow i Londrës dhe disa linja ajrore sot vendosën të ulin numrin e fluturimeve duke pritur dhe anulimin nga erërat e forta.

British Airways po ofron për pasagjerët fluturime vendore dhe evropiane jashtë aeroporteve Heathrow, Gatwick dhe London City ndërkohë Virgin Airlines anuloi disa fluturime.