Sulm i ri ajror në Irak, 6 të vdekur. SHBA: Ne nuk sulmuam!

Koalicioni i kryesuar nga SHBA që lufton kundër Shtetit Islamik ka bërë të ditur se nuk ka kryer asnjë sulm ajror në afërsi të Kampit Taji në veri të Bagdadit

“Fakti: koalicioni @cjtfoir nuk ka kryer ditëve të kaluara asnjë sulm ajror në afërsi të kampit Taji(në veri të Bagdadit),” thekson përmes rrjetit social Twitter zëdhënësi.

AFP para këtij përgënjeshtrimi raportonte se forcat amerikane, menjëherë pas deklaratës së Presidentit amerikan Donald Trump se nuk dëshiron luftë me Iranin, sërish ka kryer sulm ajror në Iran.

Në sulmin ndaj një konvoji të Njësiteve të mobilizimit popullor, forcë kjo paramilitare në veri të Bagdadit, “kishte të vrarë dhe të plagosur”, ka raportuar një burim policor.

Televizioni irakenë ka raportuar se bëhet fjalë për një sulm ajror amerikan.

Agjencia e lajmeve Reuters duke ju referuar burimeve ushtarake irakene raporton se në sulmin ndaj Forcave të mobilizimit popullor në afërsi të kampit Taji kanë mbetur të vdekur 6 persona dhe tre janë plagosur. Dy prej tri makinave nga konvoji janë shkrumbuar. Sipas po këtij burimi, sulmi ka ndodhur pak pas orës 13:00, sipas orës lokale.