Sulm me 34 plumba ndaj “CFO Pharma”, paralajmërim apo…
Godina e CFO Pharma e biznesmenit Nadir Çausholli është qëlluar rreth orës 02:00 të mëngjesit me breshëri plumbash.
Mësohet se automjeti ka qendruar para godinës së CFO Pharma, e cila ndodhet në autostradën Tiranë-Durrës, është qëlluar në drejtim të biznesit me 34 plumba dhe më pas autorët janë larguar në drejtim të Vorës.
Është qëlluar vetëm në pjesën lart të fasadës në katin e fundit. Grupi hetimor dyshon se kjo strategji e autorëve për të qëlluar në pjesën lart të godinës është bërë për të dhënë një mesazh paralajmërimi.
Ndërkohë mësohet se ishin dy autorë. Njëri prej tyre ka qëlluar ndërsa tjetri ishte në roli e shoferit, raporton BW.
Lidhur me ngjarjen e ndodhur në autostradën Tiranë-Durrës, Policia ka dalë me një njoftim zyrtar.
Rreth orës 08:10, në sallën operative të DVP Tiranë, ka ardhur njoftimi se në rrugën dytësore të autostradës “Durrës – Tiranë”, gjatë natës, dyshohet se është qëlluar me armë zjarri në drejtim të fasadës së një ndërtese.
Nga të shtënat janë shkaktuar vetëm dëme materiale.
Grupi hetimor, në drejtimin e Prokurorisë, po punon për identifikimin dhe kapjen e autorit/ëve dhe për zbardhjen e rrethanave të rastit.
