Sulm në Halle, vriten dy persona

Policia në Halle e ka konfirmuar se janë vrarë dy persona me armë zjarri. Nuk përjashtohet sfondi terrorist i sulmit ndërkohë Prokurorët federalë kundër terrorizmit në Gjermani kanë nisur hetimet.

Autoritetet e qytetit Halle kanë njoftuar se në zonën Paulus ka pasur të shtëna me armë zjarri. Kjo zonë shtrihet në veri të qytetit. Në atë pjesë gjendet edhe një sinagogë. Hebrejtë e mbarë botës festojnë tani ditën Jom Kippur. Deri tani nuk dihet sakt nëse të shtënat me armë zjarri kanë të bëjnë me të këtë festë dhe nëse ato kanë sfond terrorist, raporton DW. Policia menjëherë ka bllokur vendin e ngjarjes dhe ka nisur hetime.

Arrestohet një i dyshuar

Nga banorët e qytetit Halle është kërkuar që të mos dalin jashtë dhe të mbeten në vende të sigurta. Dëshmitarët okularë njoftojnë për një sulmues me armë, të veshur me veshje luftarake. Bëhet e ditur se ka pasur edhe një shpërthim me eksploziv në varreza.

Mediat gjermane njoftojnë se sulmuesi ka qenë i armatosur dhe ka pasur një helmetë dhe maskë mbi kokë. Ai ka shtënë në drejtim të një restoranti, e më parë ka hedhur edhe një mjet shpërthyes, por mjeti shpërthye nuk ka shkaktuar ndonjë dëm të madh. Në restoran kanë qenë në kohën e sulmit 5-6 persona, thotë një dëshmitar okular, i cili ishte fshehur në tualet.

Të shtëna edhe në Landsberg

Njëkohësisht me të shtënat në Halle, të shtëna janë dëgjuar edhe në Landsberg, rreth 15 kilometra më larg. Këto të dhëna ka konfirmuar edhe policia, por deri tani nuk ka të dhëna për pasojat. Vendet e sulmeve janë bllokuar nga policia.