Sulmet kibernetike në Shqipëri, Ambasadorja Kim: Keqdashësit u përpoqën të minojnë besimin në demokraci!

Disa keqdashës u përpoqën që të minojnë besimin në demokraci, tha Ambasadorja e SHBA, Yuri Kim, në konferencën “Qytetet Inteligjente” e cila u mbajt sot në Tiranë duke komentuar sulmet kibernetike ndaj Shqipërisë, pas të cilës thuhet se fshihet Irani.

“Ka disa njerëz të jashtëzakonshëm që kanë ardhur në këtë konferencë. Do të kisha dashur që ta kisha pasur kalendarin tim bosh sot dhe nesër që të merrja pjesë në këto diskutime. Ata do të flasin për rrisqet, rreziqet e kibernetikës, Ky diskutim nuk mund të kishte ardhur në një kohë më të volitshme se kjo,” tha Yuri Kim duke shtuar se drejtuesit vendor kanë një rol më rëndësi në demokraci.

“Ju e dini se çfarë prioritetesh ka për të pasur një jetë në të sigurt. Rishtas në Shqipërisë, siç e kemi pasur muajt e fundit, mbrojtjen e disa keqdashësve që përpiqen që të minojnë besimin në demokraci, ku iu prishet qetësia qytetarëve. SHBA janë këtu për të ndihmuar. Kemi ndihmuar për masat kibernetike. Për shkak të varësisë së qytetarëve nga rrjetet sociale, kemi nevojë për partneritet,” tha Ambasadorja Yuri Kim duke përfunduar se kjo konferencë e “Qyteteve Inteligjente” vjen në një çast kur ne duhet t’i përgjigjemi pyetjes:

“Si mund t’a lidhim teknologjinë e duhur me drejtuesit e duhur në mënyrën e duhur për të mbrojtur dhe përmirësuar jetët e bashkëqytetarëve tanë?”