Sulmet ndaj Drejtorit të ri të ISKPK, Çika: Me Dr.Çelo Hoxhën, Instituti do konsolidohet pavarësisht kërcënimeve dhe shantazhit

Shoqata Antikomuniste e të Përndjekurve Politikë të Shqipërisë duke përshëndetur dhe mbështetur vendimin e Bordit Drejtues për zgjedhjen e Dr.Çelo Hoxha, Drejtor ekzekutiv i Institutit të Studimeve të Krimeve dhe Pasojave të Komunizmit në Shqipëri, ISKPK, thekson se kjo është mundësia më e mirë profesionale, politike e morale që garanton vazhdimësinë e punës së deritanishme.

“Dr.Çelo Hoxha ka një kontribut të shquar në zbardhjen e krimeve të komunizmit dhe në mbrojtje të kauzës së te përndjekurve politikë antikomunistë. Dhe, për shkak të këtij kontributi, Z.Hoxha ka qenë në mënyrë të vazhdueshme nën sulmet, goditjet dhe kërcënimet e persekutorëve tanë komunistëe dhe bashkëpunëtorëve të tyre dje dhe sot, gjë që është reflektuar edhe në procesin e zgjedhjes së tij dhe më pas,” thekson Shoqata Antikomuniste e të Përndjekurve Politikë të Shqipërisë pas sulmeve edhe ndaj Drejtorit të sapozgjedhur të ISKPK, duke i garantuar Dr.Çelo Hoxhës dhe Institutit që drejton, mbështetje të gjithanshme ndërsa përfundon :

“Ne besojmë se nën drejtimin e Dr.Çelo Hoxhës puna e ISKPK do të konsolidohet dhe zhvillohet me tej, pavarësisht pengesave, kërcënimeve e shantazhit, që individë e grupime në konflikti interesi apo për arsye të tjera kanë ndërmarrë e do të ndërmarrin ndaj tij.”

Deklaratë

Shoqata Antikomuniste e të Përndjekurve Politike te Shqipërisë, përshëndet dhe mbështet vendimin e Bordit Drejtues për zgjedhjen e Dr.Çelo Hoxha drejtor ekzekutiv të Institutit të Studimeve te Krimeve dhe Pasojave të komunizmit në Shqipëri .

Si pjesa e shoqërisë shqiptare me e interesuar për mbarëvajtjen e këtij Instituti ne kemi ndjekur nga afër zhvillimet me te fundit pas dorëheqjes së detyruar të ish drejtorit Agron Tufa kemi mbështetur kandidaturën e z. Hoxha si mundësia më e mire profesionale . politike e morale në dispozicion që garanton vazhdimësinë e pumës se deritanishme.

Dr.Çelo Hoxha ka një kontribut te shquar ne zbardhjen e krimeve e komunizmit dhe ne mbrojtje të kauzës se te përndjekurve politike antikomuniste.

Dr.Hoxha është anëtar i Kryesisë Kombëtare të SHAKPP dhe me punën e tij intelektualë e shkencore dhe aktivizimin publik është një nga kontribuuesit e spikatur te kauzës dhe punës tone.

Për shkak te këtij kontributi te shquar Z. Hoxha ka qene ne mënyrë te vazhdueshëm nën sulmet, goditjet dhe kërcënimet e persekutove tanë komuniste dhe bashkëpunëtoreve te tyre dje dhe sot gjë qe është reflektuar edhe në procesin e zgjedhjes se tij dhe me pas.

Ne te përndjekurit politike antikomunistë te Shqipërisë i urojme z. Hoxha suksese ne punën e tij fisnike dhe i garantojmë atij dhe institutit që drejton mbështetje të gjithanshme.

Ne besojmë se nen drejtimin e Dr. Çelo Hoxha puna e ISKPK do të konsolidohet edhe zhvillohet me tej, pavarësisht pengesave ,kërcënimeve e shantazhit qe individë e grupime ne konflikti interesi me te apo për arsye të tjera kane ndërmarrë e do te ndërmarrin ndaj tij .

Kryetari

Nebil Çika