Sulmet terroriste 11 Shtatorit, Basha: Solidaritet me familjarët e viktimave dhe kombin mik amerikan

Në përkujtim të viktimave të sulmeve terroriste të 11 shtatorit 2001, Kryetari i PD, Lulzim Basha i bashkohet solidaritetit me familjarët e tyre dhe kombin mik amerikan duke përsëritur edhe me këtë rast se qëndrojmë në krah të partnerit strategjik të Shqipërisë në luftën kundër terrorizmit.

“Dy dekada më parë, bota u trondit nga sulmet terroriste të 11 shtatorit jo thjesht ndaj SHBA, por ndaj vlerave të lirisë, demokracisë dhe bashkëjetesës. I bashkohemi përkujtimit të viktimave të terrorizmit, dhe solidaritetit me familjarët e tyre dhe kombin mik amerikan,” thekson Lulzim Basha në mesazhin e tij përmes rrjetit social Twitter duke shtuar”

“Ne qëndrojmë në krah të partnerit strategjik të Shqipërisë në luftën kundër terrorizmit dhe mbrojtjes së vlerave, që na bashkojnë në aleancën dhe miqësinë e vecantë mes dy kombeve tona.”

Ndryshe, sot bëhen 20 vjet që nga sulmet terroriste të 11 shtatorit 2001 në New York, Pentagon dhe Shanksville të Pennsylvanias, ku gjetën vdekjen rreth 3 mijë vetë. Ishte kjo një ditë që ndryshoi Amerikën dhe gjithë botën.