Sulmi kibernetik, Berisha: Nga hakera serbë dhe rusë. Kosova u sulmua nga sistemet e Shqipërisë!
Nga burime të trefishta, në operacionin e shkatërrimit të infrastrukturës dixhitale në Shqipëri kanë marrë pjesë hakera të qeverisë ruse dhe serbe, tha sot Kryetari i Partisë Demokratike, Sali Berisha, duke shtuar se Kosova është sulmuar nga sistemet e Shqipërisë.
“Dua të informoj shqiptarët nga burime të trefishta se në operacionin e shkatërrimit të infrastrukturës dixhitale në Shqipëri, janë pjesëmarrës hakera të qeverisë, hakera rusë dhe serbë. Kjo është e vërtetë e konfirmuar për opozitën nga burime shumë serioze. Kosova është sulmuar nga sistemet e Shqipërisë. Mali i Zi gjithashtu është nën sulm, edhe Maqedonia. Nuk kam të dhëna për këto dy të fundit që të jenë sulmuar nga Shqipëria.
Kjo do të thotë një penetrim të plotë të hakerave serbë ose rusë. Specialistë të kësaj fushe kanë deklaruar se sulmet kanë ardhur nga rajoni. Rama do ti mbyllë të gjitha me Ajatollahët. Aleatët duhet të dinë të vërtetën. Databaza e policisë shkencore që ka shenjat e gishtave, grupet e gjakut, nuk ka asnjë lidhje me portalet, ka lidhje direkte me ndërhyrje të hakerave të qeverisë që do të zhdukë lidhjet e saj me krimin,” Sali Berisha në konferencën e përjavshme duke shtuar se janë me dhjetëra orë komunikimi të qeveritarëve me grupet më të rrezikshme kriminale, në Shqipëri, në Dubai, në Amerikën Latine, në Meksikë dhe kudo.
“Unë mund tu deklaroj se personalisht Edi Rama, sipas të gjitha indicieve, ka qenë dhe është nën hetim ndërkombëtar,” tha Kryetari i PD duk ehedhur akuza ndaj Kryeministrit të Shqipërisë se kishte për qëllim të zhdukjen e lidhjeve të krimit të Edi Ramës dhe qeveritarëve.
“Në një akt të paprecedentë të revanshit të krimit në këtë shtet, qeveria ka shkatërruar të gjitha sistemet e policisë TIMS-in, databazën e policisë shkencore e cila përmban çdo gjë rreth kriminelëve dhe grupeve kriminale. Ka shkatërruar MEMEX dhe faktikisht kemi të bëjmë me një asgjësim total të punës afro 30 vjeçare të policisë së shtetit. Shkatërrimi i këtyre sistemeve nuk ka asnjë lidhje me sulmet e E-albania. Shkatërrimi i këtyre sistemeve është bërë me qëllimin e vetëm për të zhdukur provat që ekzistojnë mbi lidhjet e tmerrshme të krimit për Ramën, Ballën, Gjiknurin, Veliajn dhe qeveritarë të tjerë.
Duke asgjësuar të dhënat e këtyre sistemeve, janë asgjësuar provat materiale të kontestueshme të këtyre lidhjeve. Edhe në rast se prokuroria për aksident ka në disponim në dosje të dhëna të tilla, ato validizohen vetëm duke u gjetur në arkivën e tyre. Dënoj këtë akt ndër më të rrezikshmit,” tha Kryetari i Partisë Demokratike, Sali Berisha, duke përfunduar:
“Sot gjurmët e gishtave të shqiptarëve janë në cilindo vend që dëshiron ti ketë, pas shkatërrimit këtu. Sot asnjë urdhër nuk mund të zbatohet më bazuar në dokumentim shkencor të personit. E sigurt është ky është një bashkëpunim qeveritaro- policesk, është një operacion i paprecedentë në ndonjë vend përveçse në vendin e mafies në Shqipëri.”
