Sulmi në Mançester, incident i lidhur me terrorizëm
Therja me thikë e tre personave, përfshirë një zyrtar të policisë, në stacionin e trenave Manchester Victoria në Mançester të Anglisë, po trajtohet si incident i lidhur me terrorizëm, tha policia britanike.
Ngjarja ndodhi natën e Vitit të Ri, ndërsa një person 25 vjeç u arrestua nën dyshimet për vrasje në tentativë.
Në vendin e ngjarjes u gjetën dy thika.
BBC raporton se shërbimet e sigurisë po e ndihmojnë policinë.
Policia e Mançesterit tha të martën se po heton motivin e sulmit.
Tre të plagosurit u dërguan në spital me plagë serioze, por jo kërcënuese për jetën, thanë autoritetet.
Stacioni i trenave Manchester Victoria u rihap pas incidentit.
Kryeministrja britanike, Theresa May, përmes një postimi në Twitter shprehu solidaritet me të plasgosurit në këtë, siç tha, sulm të dyshuar terrorist.
My thoughts are with those who were injured in the suspected terrorist attack in Manchester last night. I thank the emergency services for their courageous response.
— Theresa May (@theresa_may) January 1, 2019
