Sulmi rus i qendrës tregtare, Ukraina paralajmëron hakmarrje: Kjo është e neveritshme!
Të paktën 17 persona kanë humbur jetën dhe 32 janë plagosur me rastin e sulmit rus në qytetin lindor të Ukrainës në kohën kur Sekretari amerikan i Shtetit, Antony Blinken, po vizitonte Kievin për të mbështetur dhe kundërofansivën ukrainase.
Presidenti Volodymyr Zelenskyy duke dënuar sulmin për të cilin zyrtarët ukrainas deklaruan se ndodhi në një qendër tregtare, në qytetin Kostjantinivk kur ajo ishte plotë.
“Kush do që vazhdon të bëjë biznes me çfarëdo qoftë ruse, thjeshtë po injoron realitetin. E neveritshme. Arrogancë e pacipë. Çnjerëzore në ekstrem,” thekson Zelenskyy duke folur edhe për fëmijë ndër të vdekurit të paktën 32 persona të plagosur, raporton Agjencia e lajmeve DPA.
“Kjo e keqe ruse duhet të mundet sa më shpejtë që është e mundur,” tha Volodymyr Zelenskyy, duke folur për një sulm të qëllimshëm ndaj një qyteti të qetë.
Ndërsa ndihmësit e Presidentit të Ukrainës kanë publikuar përmes rrjetit social X pamjet e sulmit ku shihet shpërthimi pasi dëgjohet një zë i ngjashëm me atë predhës që po afrohet, dhe më pas shihen njerëz që shtrihen për toke dhe disa prej tyre dhe vrapojnë duke kërkuar strehim, gjak gjithandejë dhe ata që ju vijnë në ndihmë.
Volodymyr Zelenskyy: "When someone in the world still attempts to deal with anything Russian, it means turning a blind eye to this reality. The audacity of evil. The brazenness of wickedness. Utter inhumanity.
— NEXTA (@nexta_tv) September 6, 2023
At this moment, the attack by Russian terrorists has killed 16 people… pic.twitter.com/atSK74UNOF
Ndërkohë Kryeministri i Ukrainës, Denis Shmihal ka paralajmëruar një “hakmarrje të ndershme për të gjithë”, raporton BBC.
Ndryshe, Kostjantinivku është qytet në rajonin e Donjeckut, pjesët e të cilit janë okupuar nga forcat ruse, dhe është vetëm 20 kilometra nga Bahmuti, qytet ku me muaj të tërë po zhvillohen luftime të ashpëra.
Fillimisht nuk ishte e qartë se me çfarë predhe u godit qendra tregtare. Mediat lokale raportuan se bëhet fjalë për raketën S-300.
