Sulmohen bazat amerikane në Siri, Hezbollahu kërcënon Evropën

Dy baza ushtarake amerikane në Siri janë sulmuar, raporton televizioni libanez TV Al Mayadeen, i cili mbështet Iranin. SHBA nuk ka reaguar lidhur me sulmet dhe as nuk është konfirmuar zyrtarisht se kjo ka ndodhur.

Al Mayadeen raportoi për sulmin raketor ndaj bazës Conoco në pjesën rurale të rajonit verior Deir al-Zor. Si dhe raportohet për sulmin me dron ndaj bazës Al-Tanf afër kufirit sirian me Irakun dhe Jordanin.

Raportet vijnë pas përgjegjësisë që mori një grup i panjohur me emrin Tashkil al-Waritheen, ose Trashëgimtari, për sulmin me dron ndaj baz ushtarake amerikane Al-Harir në veri të Irakut.

Ishte ky njëri nga dy sulmet në Irak me dron që ndodhi dje. Sulmi i dytë ndodhi ndaj bazës Al-Asad, tha një zyrtar amerikan. Në këtë sulm, droni u sbulua dhe u qëllua por arriti të shpërthej dhe të shkaktoj disa të plagosur dhe dëme materiale.

Hezbollah: Europianë keqdashës, kujdes

Ndërkohë Hezbollah ka kërcënuar kundërshtarët se është mijëra herë më i fortë se më parë, derisa luftëtarët e tij kanë shkëmbyer zjarr në kufi me forcat izraelite pas konfliktit që shpërtheu në mes të Hamasit dhe Izraelit.

SHBA i ka tërhequr vërejtjen Iranit, i cili mbështet Hezbollahun dhe Hamasin, që të mos përzihet në krizë, ndërsa ka çuar dy aeroplanëmbajtëse për të parandaluar çfarëdo lloj protagonisti shtetëror dhe joshtetëror që ta përshkallëzoj konfliktin.

Zyrtari i Hezbollahut, Hashem Safieddine, duke ju drejtuar përkahësve të tij, i ka tërheuqr vërjetjen presidentit amerikan Joe Biden, kryeministrit izraelit Benjamin Netanyahu, dhe, siç i quajti, “europianë keqdashës” që të jenë të kujdesshëm.

“Përgjigja në gabimin që mund ta bëni ndaj rezistencës sonë do të ketë jehonë,” tha Safieddine duke përfunduar:

“Atë që kemi është besimi, e Zoti është më i fuqishëm se ju, të gjitha anijet tuaja luftarake dhe gjithë armatimit!”