Sulmohet Albin Kurti/ Dezhurni i ndërkombëtarëve: Turp, që sot i bën dëm Kosovës!

Pasi u identifikuan deputetët e PDK që sulmuan sot Kryeministrin Albin Kurti në foltoren e Parlamentit të Kosovës, ndërkohë në Parlamentin e Shqipërisë vazhdojnë tensionet duke kërkuar Kryeministrin Edi Rama të vijë në seancë për të diskutuar rreth arrestimit të ish-zv/kryeministrit Arben Ahmetaj, Rama u shfaq në rrjetet sociale për të reaguar për dhunën e deputetëve kosovarë; Jo duke ju folur dhunuesve që vijnë nga partia homologe por duke shprehur shqetësimin se çfarë do thonë ndërkombëtarët.

“Të mos jesh dakord me kryeministrin është demokratike, ta shprehësh kështu kundërshtinë është të njollosësh veten, zgjedhësit e tu dhe krejt shtetin me një turp që sot i bën dëm Kosovës edhe ndërkombëtarisht, më shumë se sa çfarëdo qëndrimi politik që po ia kundërshton kryeministrit!” u shpreh Edi Rama përmes rrjetit social Twitter duke përfunduar:

Të mos jesh dakord me kryeministrin është demokratike, ta shprehësh kështu kundërshtinë është të njollosësh veten, zgjedhësit e tu dhe krejt shtetin me një turp që sot i bën dëm Kosovës edhe ndërkombëtarisht, më shumë se sa çfarëdo qëndrimi politik që po ia kundërshton… pic.twitter.com/w0Sbu3btQJ

— Edi Rama (@ediramaal) July 13, 2023

“Imagjinojini si ndjehen aleatët dhe miqtë e pazëvendësueshëm të Kosovës e të shqiptarëve, kur shohin se si kapen për fyti shqiptarët, aty ku duhet të luftohet me ide e me fjalë, jo me sharje e me grushta! Uroj shumë që opozita të distancohet nga kjo sjellje e turpshme dhe t’i shërbejë Kosovës me forcën e shembullit, jo me shembullin e forcës!”

Ndryshe, sot në seancë plenare u sulmua Kryeministri i Kosovës, Albin Kurti, ndërsa po fliste për situatën në veri të Kosovës dhe marrëveshjen e firmosur për shtensionim ndërkohë si pretekst u përdorën përgjimet e realizuara nga deputeti serb i cili i transmetoi, ku tjetër përveç se në mediat e buzhalëve, ato që i kanë shërbyer dhe po i shërbejnë Serbisë për zhvlerësimin e shtetit të Kosovës!