Sulmohet dhe përgjaket gazetari që po hetonte vrasjen e Ivanoviçit

Gazetari Stefan Cvetkoviç është sulmuar në një kafene në qendër të Bela Crvka në Serbi.

Kjo është konfirmuar nga vetë gazetari për mediat serbe.

Ai ka publikuar edhe një fotografi në rrjetin social facebook ku shihet në gjendje të rëndë.

“Policia u largua pas dy ditëve, që kishte për detyrë të më ruante. Unë nuk besoj se sulmi ndodhi rastësisht. Besoj se sulmuesi donte të më vriste”, deklaroi Cvetkoviç.

Nga pamja fizike shihet se është përgjakuar.

Gazetari që po hetonte vrasjen e Oliver Ivanoviçit ditë më parë ishte zhdukur në Serbi.

Për vrasjen e Ivanoviçit deri më tani nuk ka asnjë të dyshuar.