Sulmon Macronin, Kryeministri i Polonisë: Askush nuk ka negociuar as me Hitlerin as me Stalinin…

Kryeministri i Polonisë ka bërë thirrje për themelimin e Komitetit ndërkombëtar për hetimin e gjenocidit i cili është kryer nga ushtria ruse në qytetet ukrainase, ndër të cilat edhe Bucha, ku janë zbuluar më shumë se 400 civilë të vrarë.

“Këto masakra të përgjakshme që kanë kryer rusët, ushtarët rus, duhet ti quajmë me emrin e vërtetë. Ky është gjenocid dhe duhet të dënohet, tha Kryeministri Mateusz Morawiecki.

“Për këtë arsye propozojmë që të themelohet Komiteti ndërkombëtar për hetimin e këtij krimi, gjenocidit, që është e domosdoshme nëse dëshirojmë ta dimë të vërtetën mbi krimet ruse dhe ato fashiste,” tha Morawiecki duke i bërë thirrje shteteve perëndimore që të vendosin sanksione të reja për Rusinë, e presidentin rus Vladimir Putin e krahasoi me ish-didktatorët e dikurshëm, Hitlerin, Stalinin e Pol Potin.

Me këtë rast, kryeministri polak kishte një mesazh të veçantë për Presidentin e Francës, Emmanuel Macron:

“Zoti president Macron, sa herë keni negociuar me Putinin dhe çfarë keni arritur? Me kriminel nuk negociohet, kriminelët duhet mundur,” tha Morawiecki duke shtuar:

“Askush nuk ka negociuar me Hilerin, as me Stalinin, as Pol Potin,” tha Kryeministri i Polonisë duke akuzuar disa liderë europian për deklarata boshe.

“Mos i dëgjoni biznesmenët gjermanë, miliarderët gjermanë, por zërat e grave dhe fëmijëve të pafajshëm. Zërat e të vrarëve,” tha Morawiecki duke iu drejtuar kancelarit gjerman Olaf Scholz.

Ndryshe, Ukraina ka akuzuar dje Rusinë për gjenocid duke theksuar se ka gjetur afër Kievit trupat e pajetë të 410 civilëve, zonë të cilën gjatë këtyre ditëve e ktheu nën kontroll, akuza të cilat Moska i ka hedhur poshtë duke theksuar se pamjet nga Bucha janë të porositura.