“Superama”, Metës: S’ke kapacitet moral e mendor! Llumit opozitar: Gjuha ime iu thyen kockat!

Kryeministri Edi Rama erdhi në seancë plenare të Parlamentit të Shqipërisë sikur Supermeni me përgjigje për të gjithë. E filloi me deputeten e llumit opozitar, Rudina Hajdari, e cila po mbante të bllokuar foltoren ndërsa kërkonte të ndërpritet kjo seancë plenare ku do të votohen ndryshimet në Kodin Zgjedhor ndërsa e vazhdoi me Presidentin.

“Nuk ka asnjë problem të më sulmoni mua, jam mësuar me origjinalin, kopjet s’më bëjnë fare përshtypje. dëgjova një zonjë këtu që fliste me një gjuhë që një grua nuk mund ta ketë, një nënë nuk mund ta ketë, një përfaqësuese e Parlamentit nuk mund ta ketë. Por çfarë faji mund t’i vë unë kësaj zonje, kur shembullin më negativ sot e jep Presidenti, që nuk ka kapacitetin moral dhe mendor që të përmbahet të paktën kur ka një përfaqësues të huaj në krah. Këtë nuk e ka bërë as Saliu,” tha Edi Rama e për llumin opozitar që kërkon të mos votohen ndryshimet në Kodin Zgjedhor, ai tha se nuk është hera e parë që pakica kërkon t’i imponohet shumicës.

“Është një histori që zhvillohet prej kohësh, nuk është hera e parë as e fundit që pakica kërkon t’i imponohet shumicës me forma dhe me një gjuhë që nuk ka asnjë lidhje me çka secili këtu në këtë sallë ju mëson fëmijëve të vet. Fatkeqësia 30-vjecare e këtij Parlamenti është në radhë të parë që iu jep atyre që e ndjekin dhe mbi të gjitha më të rinjve, për të cilët flitet shumë dhe në ajër, shembullin më të keq të edukatës elementare. Duke u kthyer te ligji, nuk ka një kompromis, ku një palë i fiton të gjitha. Kompromiset e mira janë ato ku të gjitha palët kanë një arsye për t’u mërzitur.

Edhe ne kemi arsyet tona për t’u mërzitur, madje kemi më shumë arsye ne, se palët që janë në këtë proces, qoftë brenda këtu, qoftë jashtë, por jemi të vetëdijshëm që detyrimi për të bërë kompromisin e nevojshëm për një proces ku të gjithë kanë të drejtën e tyre të marrin pjesë, atë të zgjedhjeve, është që të heqim dorë nga dëshira tonat. Unë nuk kam asnjë dyshim që nëse ne do të kishim kërkuar një kompromis nga ju për të vendosur bonusin për partinë e parë, ju do të na e kishit dhënë, por patjetër që kjo do të ishte e tepërt në raport me palën që nuk është këtu,” tha Rama i cili kishte një mesazh edhe për Opozitën e Bashkuar:

“Për ata që nuk janë këtu, ky Parlament po bën më shumë se sa asnjëherë më parë për ndonjë palë që ka qenë këtu brenda, duke marrë në konsideratë kërkesat e tyre, edhe pse ata e braktisën Parlamentin.”

Por nga foltorja e Parlamentit, Kryeministri Edi Rama i tha qartë Presidentit t’i harrojë listat e hapura sipas mënyrës së tij. Dhe jo vetëm kaq! Kur foli për moral, ai bëri dhe lidhjen e Presidentit me viktimat e OFL-së!

“Lista të hapura me ata që kontaktohen nëpër skuta katundesh nga i pari i vendit nuk ka. Lista të hapura që zënë formulën e hapjes, mbjellin llumin, paranë e zezë, forcat që ushtrojnë presion nëpër komunitete t’i harroni ju, t’i harrojë kushdo tjetër, t’i harrojë edhe Ilir Meta, që del e flet në emër të kushtetutës, shqiptarëve, me një gjuhë që i shkon me viktimat e OFL, por jo me PS, deputetët apo popullin shqiptar se do i afishojë ai kandidatët e do zgjedhë populli, me çfarë do e bëjë këtë me ato armët që do rrëmbeheshin në 2017? Shqipëria ka nevojë për të gjithë, unë nuk jam fshehur, por nuk jam udhëheqës i PS për të ushqyer partitë e vogla.

Në këtë histori ato s’kanë sjellë kurrë gjë, janë grupe interesash, shantazhierësh, kanë shqyer më shumë se sa të mëdhatë plackën shtet, partitë e vogla janë parti pengmarrësish që vijnë në parlament për të kapur një ministri, për ta bërë degë të thesarit të atij që ka vulën. Kjo është e vërteta. Fakti që kanë qënë të tilla deri më sot s’do të thotë që as të pengohen e as që të jeën ndryshe nesër. Kjo është bindja ime,” tha Rama duke shtuar se ai e din se çfarë do Meta:

“Unë e di çfarë do Ilir Meta. Doni të grumbulloni njerëz rrugës e t’i thoni turru vëlla, mblidhi, kapi, lidhi, silli, e pastaj të vijë kush të vijë këtu për tu turrur, kapur, çuar te shpia pastaj.”

“Po lëshoheni si gamori në dahon!”

Për murrizët dhe hajdarët e llumit opozitar, Kryeministri Edi Rama foli me një gjuhë më të ashpër se sa në kohën kur ata mendonin se Rama nuk merr dot frymë pa ta. Ai tha se është ndryshe prej tyre, pasi gjuha e tij iu thyen kockat ndërsa i bër të qartë llumit opozitar se po lëshohen si gamori në dahon

“Këto janë fjalë rrugaçësh, vetëm një rrugaç del në rrugë dhe i turret tjetrit, duke i thënë fjalën e fundit. Nëse unë do të mendoja në atë formë, atëherë do të isha njësoj si ju dhe si ata. Patjetër që gjuha shqipe kocka s’ka, por kocka thyen, dhe ndryshimi është se gjuha ime iu thyen kockat juve, ndaj ju tërboheni. Ua thyen dhe do t’ua thyejë kockat në sensin e oratorisë politike, kurse gjuha juaj nuk thyen kocka, por thyen themelin e bashkëjetesës dhe thyen normat elementare të edukatës së të jetuarit së bashku dhe kontratën natyrale me fëmijët tuaj. Habitem çfarë iu thoni fëmijëve ju kur shkoni në shtëpi, kur iu dëgjojnë duke klithur e lehur çdo ditë. Është fatkeqësi e madhe për fëmijët tuaj këtu e atyre jashtë dhe të të gjithë shqiptarëve që shohin në Parlament deputetë që lëshohen në gjuhë si gamori në dahon. Edhe juve e bëni për Shqipërinë, atdheun! Mos! Ju do t’i mbani të rinjtë në Shqipëri me këtë gjuhë, me këtë edukatë, duke thënë një në tre fjalë ‘hajdut’, ‘kriminel’, ‘trafikant’. Kështu do t’i mbani? Që të jemi të qartë nuk e dua unë, do ta mbyll hundën dhe do të votoj komisionet politike, sepse janë tre palë në këtë mes dhe sepse unë nuk jam as diktator, as autokrat, por jam thjesht i pari i një familjeje politike, që gjithë jetën e vet ka marrë kosto politike e aritmetike, sa herë ka bërë ligje zgjedhore, duke hapur rrugën, që kurrë nuk do ja kishin hapur. Ndryshimet do të votohen. PS nuk e merr dot njeri. Këtë mësojeni,” tha Kryeministri Edi Rama ndërsa foli për listat sipas modelit të PS me të cilat Shqipëria e kandarë mendjen të shkojë në zgjedhjet e 25 prillit 2021, ai shtoi se Partia Socialiste do të bëjë ekipin e vet, dhe do e rëndise nga portieri deri tek sulmuesi por nuk do të ketë deputet me 100 vota apo pa vota fare; Ndërsa qartësoi llumin opozitar të mos presin më nga PS se ajo nuk është shërbëtore e tyre:

”Nuk i vë faj as zonjës, askujt tjetër që i ka mbirë në gju gjithë tufa e fjalëve më të ulëta të shqipes, që e kanë bërë fjalën krim zëvendësuesen e fjalës edukatë. E kanë bërë drogë zëvendësuesen e ushqimit, dhe llumin e komunikimit standard në parlament.

Çfarë kërkon nga ne? Ça e dini ju PS? Shërbëtoren tuaj? Apo shërbëtoren e atyre që janë jashtë?

I shërbejmë atyre që na kanë zgjedhur, dhe këtë vend që udhëheqim dhe do vijojmë. E dini pse? Jo sepse jemi të rënë nga qielli, apo pa gabime, apo skemi të meta, por sepse ky popull s’është budalla.

Çdo individ që flet në emër të popullit, qoftë përfaqësues i lartë, qoftë i verbër në rrjetet sociale, është i destinuar me këtë gjuhë të marrë dënimin,

Ja u kam thënë atyre para jush, duhet të kapërceni një hendek të madh për të marrë votat. Nuk merrni vota ju as me lista të hapura, as em të shqyera. Se j kujtoni që shqiptarët janë budallenj. S’keni shans të konkurroni PS-në.

Listat janë të hapura. S’mbaj përgjegjësi për iluzionet tuaja, por për standardin që ka ligji. Nuk kemi shpikuar asnjë model, do rrëzojmë një shpikje, që është karteli i partive të ashtuquajtur koalicione ku i  merr njëri e ia kalon tjetrit. Çdokush që hyn në listë ka mundësi të zgjidhet. Për t’u zgjedhur duhet të marrë votat. Pa vota apo me 100 vota nuk ka. Patjetër që PS nuk është as kompani fitimprurëse dhe nuk është as PD.

Nuk është as furgon i shpikur kap ça të kapësh, as tren mallrash si kartelet e PD. PS është familje politike ku ka rregulla. Ka të drejtën të rendisë skuadrën e vetë nga portieri tek sulmuesi dhe rezervat. Çdo rezervë që merr vota futet në fushë, kush s’merr në stol.”

“Koalicionet e përbëra i varrosim sot njëherë e përgjithmonë!“

Për të gjithë ata që kishin sado pak shpresë se Kryeministri Edi Rama edhe do ti nënshtrohet presioneve për koalicione ai i dha fund këtij diskutimi duke theksuar se sot i jepet fund në Shqipëri koalicioneve të përbëra.

”Koalicionet s’mund të jenë kope speciesh të ndryshme që dalin nga drejtime të ndryshme. Janë bashkim forcash me një logo, jo koalicion që hyp në tren dhe çdo vagon drejtim tjetër. Sepse kap ça të kapësh, dhe vagonët turru kë të kapësh.

Kush është kandidati për kryeministër,  kush është skuadër. Por jo koalicion dil nga ferra ma hidh mua, të kap atë tjetrin. Nuk do ekzistojnë për t’i varrosur njëherë e përgjithmonë. Listat e hapura, çdo deputet duhet të mbledhë votat, se vjen tjetri i thotë hap krahun.

S’ka më kooperativa socialiste e bashkuar bujqësore dhe mendon partia për mua. Dhe ata poshtë që thonë kooperativa e ka bërë planin, mbush sheshin sa të vijë kryetari.

I erdhi tjetri nga poshtë më shumë hap krahun thotë. S’mund të bëjmë ligj për Ralfin. E dua shumë. Ky është ligj për ata që kanë vota. Jo për ata hidh grepin.

Notar që futen poshtë varkës së peshkimit dhe dalin me komardare nuk ka. Sport që do ndalohet. Me gjithë komardare, kanoe e gjithë shtanga për Monikën, Saliun dhe Ilirin.”