Superskandali “Durana”, Berisha: Mafia shqiptare përvetësoi projektin e kompanisë prestigjioze EPAM

Sot Kryetari i Partisë Demokratike, Sali Berisha, ka denoncuar superskandalin “Durana”, ku mafia shqiptare përvetësoi projektin e kompanisë prestigjioze EPAM, aty ku sot ka vetëm livadhe, por, aty Familja Rama ka vjedhur qindra milionë euro.

“Tre vite më parë, një nga gjigantët e high-techut, vendosur në Ukrainë, EPAM, pas agresionit rus ndaj Ukrainës, vendos që të spostojë sipërmarrjen e tij të madhe në një vend tjetër dhe përzgjedh Shqipërinë.

Presidenti i kësaj kompanie, ndër më të fuqishmet në botë, me xhiro miliarda dollarë, vjen në Shqipëri dhe pritet nga kreu i organizatës kriminale, Edi Rama, dhe Agaçi me asistenten e tij, Elira Kokona.

Ai paraqet projektin e tij, dëshirën dhe vendimin e kompanisë që të gjithë sipërmarrjen e tij të madhe në Ukrainë ta spostojë në Shqipëri, por për këtë qëllim kërkon krijimin e një zone, siç e kishte në Ukrainë, me kushte të favorshme,” tha Sali Berisha dhe kjo iu premtua, se Ramaduro filloi të flasë për Silicon Valley në Durrës.

“Si përfundim këto livadhe dhe ara që shihni këtu janë Troplana e Edi Ramës. Vendimi u mor, zona u shpall dhe në këtë zonë u regjistruan 46 kompani, të cilësuara me silver, gold, platinium. Që të gjitha këto kompani, pothuaj të gjitha pa përjashtim, me ndonjë përjashtim të vogël, anëtare të këshillit të krijuar me ndërmarrje IT nga kryemafiozi i IT-së shqiptare, Ermal Beqiri alias Armand Frangu. Ose Armand Frangu alias Ermal Beqiri.

“Çfarë është Troplana? Troplana është një zonë virtuale e lirë. Kompanitë e regjistruara në Troplana janë të shpërndara në Tiranë dhe në mbarë Shqipërinë, nuk kanë asnjë lidhje, asnjë aktivitet në Xhafzotaj, asnjë punësim. Por ato i paguajnë shtetit një taksë krejt të parëndësishme, 5 për qind. Taksat e vërteta ato ia paguajnë Edi Ramës, Armand Frangut nëpërmjet Ergys Agasit dhe Ermal Beqirit.

Natyrisht këto janë vetëm taksa, por qindra milionë të tjerë vriten duke vrarë konkurrencën dhe duke u garantuar këtyre kompanive të regjistruara në Troplana, tendera të AKSHI-t dhe të gjithave institucioneve të tjera shtetërore.”

Skemë si Troplana, e menaxhuar nga famozja Lubia numër 3, Elira Kokona, në emër të patronit të saj, Edi Rama, Kryetari i Partisë Demokratike tha se gjen vetëm djegësin e Tiranës.

“Dhe njësoj si në rastin e inceneratorit të Tiranës, për të cilin dy përgjegjësit absolutë kryesorë, Edi Rama dhe Erion Veliaj, nuk u hetuan për asgjë dhe nuk u pyetën asnjëherë, duke qenë autorët më kryesorë të tij, në Troplana gjer sot nuk është pyetur njeri dhe se dihet se Elira Kokana, të cilës vetëm për të mos prishur gojën para jush dhe qytetarëve, mund t’i vihet çdo lloj epiteti për aktin e saj ndaj qytetarëve.

Ka qëndruar në krye të një skeme të quajtur park teknologjik ku ka prej vitesh vetëm livadhe, kurse vidhen qindra milionë euro taksa të qytetarëve shqiptarë.

Ky skandal dëshmon dhe njëherë shkallën më të lartë të inkriminimit të kreut të organizatës kriminale Edi Rama. Dëshmon se krimet ekonomike të rënda, vjedhjet e tij janë të pakufishme,” tha Kryetari i Partisë Demokratike, Sali Berisha, duke fol për domosdoshmërinë absolute e ngritjes së qytetarëve shqiptare dhe largimit të tij me të gjitha mjetet nga qeveria, ndërsa përfundoi:

“Kreu i organizatës kriminale më të madhe shqiptare, Edi Rama, ka kaluar haptas pa asnjë lloj kufizimi në vjedhje dhe përvetësimin e buxhetit, të ardhurave dhe pasurive publike të këtij vendi si asnjë diktator tjetër mbi tokë.

Jo, nuk ka një të dytë.

Kam besim të plotë se shqiptarët do i japin atij shumë shpejt atë që meriton.”

Fjala e plotë:

2026-a, viti i përmbysjes së diktaturave.

Viti i zi për diktatorët.

Viti i lirisë për kombet.

Pas vendosjes para gjykatës të Maduros apo Ramaduros së Venezuelës, radhën duket se e kanë Ajetollahët e Iranit.

Kombi pers është i tëri në këmbë për lirinë dhe dinjitetin kombëtar, kundër regjimit më obskurantist që ata kanë njohur në tërë historinë e tyre të gjatë, regjimit të Ajetollahëve.

Ky regjim në grahmat e fundit po përdor të gjitha armët dhe mjetet dhe ditët e fundit ka me qindra në mos mijëra martirë të lirisë.

Por marshi i revolucionit iranian drejt fitores nuk ndalet me asgjë.

Regjimi i Iranit i ka ditët e numëruara.

Liria e iranianëve ka çmimin e saj, por burrat dhe gratë, djemtë, vajzat e këtij kombi janë të gatshëm ta paguajnë atë.

PD mbështet me forcën më të madhe opozitën iraniane në betejën e saj për një Iran të lirë, demokratik dhe të pavarur.

PD i bën thirrje qeverive të vendeve të lira, SHBA në radhë të parë, të ndihmojnë me të gjitha mundësitë popullin vigan iranian të çlirohet nga ky regjim obskurantist,” tha Sali Berisha duke vazhduar me denoncimin e superaskandait të ri “Durana” për të cilin foli ish-zv/kryeministri Arben Ahmetaj.

“Jam këtu për parkun virtual të high-tech, apo de facto Troplanën e Shkozetit, një skandal i denjë për filmat më horror në gjininë  e vjedhjeve të pasurive publike.

Ja, ky është Silicon Valley i Edi Ramës, Armand Frangut, Fatmir Troplinit që quhet Durana.

3 vite më parë, se ka historinë e vet, një nga gjigantët e high-techut, vendosur në Ukrainë, EPAM, pas agresionit rus ndaj Ukrainës, vendos që të spostojë sipërmarrjen e tij të madhe në një vend tjetër dhe përzgjedh Shqipërinë.

Presidenti i kësaj kompanie, ndër më të fuqishmet në botë, me xhiro miliarda dollarë, vjen në Shqipëri dhe pritet nga kreu i organizatës kriminale, Edi Rama, dhe Agaçi me asistenten e tij, Elira Kokona.

Ai paraqet projektin e tij, dëshirën dhe vendimin e kompanisë që të gjithë sipërmarrjen e tij të madhe në Ukrainë ta spostojë në Shqipëri, por për këtë qëllim kërkon krijimin e një zone, siç e kishte në Ukrainë, me kushte të favorshme.

E vërteta është se kjo iu premtua, se Ramaduro filloi të flasë për Silicon Valley në Durrës.

Por menjëherë kthetrat e egra të mafies shqiptare përvetësuan projektin dhe kompania prestigjioze nuk gjeti asnjë mundësi të investonte në këtë vend.

E zhgënjyer, e dëshpëruar, pa që kishte të bënte me një narko-mafie të pashembullt, dhe si përfundim këto livadhe dhe ara që shihni këtu janë Troplana e Edi Ramës.

Vendimi i mor, zona u shpall dhe në këtë zonë u regjistruan 46 kompani, të cilësuara me silver, gold, platinium.

Që të gjitha këto kompani, pothuaj të gjitha pa përjashtim, me ndonjë përjashtim të vogël, anëtare të këshillit të krijuar me ndërmarrje IT nga kryemafiozi i IT-së shqiptare, Ermal Beqiri alias Armand Frangu. Ose Armand Frangu alias Ermal Beqiri.

Jo se Beqiri nuk është real, se ai është një delinkuent që në fund të vitit 2013 vodhi 20 milionë deklarata tatimore të shqiptarëve në sistemin e IT, me ndihmën e kriminelit të damkosur, Spartak Braho dhe urdhrin e kreut të organizatës kriminale, Edi Rama, por tashmë pas prishjes së pazareve në kopshtin privat të Edi Ramës, midis Armand Frangut dhe Gerond Meçes, pas neutralizimit të tij dhe eliminimit të tij me pengmarrje, etj, etj, fuqishëm në kopshtin privat të Edi Ramës si fitues absolut i tenderave në emër të Armand Frangut, hyn Ermal Beqiri.

Tani, Ermal Beqiri me këshillin e krijuar, kërkon të disiplinojë të gjitha kompanitë e sektorit dhe i regjistron ato anëtare të këshillit me kuota 1 mijë, 5 mijë, etj, etj.

Çfarë është Troplana?

Se dihet që çdo centimetër territor në Xhafzotaj është në kontrollin e pamëshirë të Troplinëve.

Troplana është një zonë virtuale e lirë.

Kompanitë e regjistruara në Troplana janë të shpërndara në Tiranë dhe në mbarë Shqipërinë, nuk kanë asnjë lidhje, asnjë aktivitet në Xhafzotaj, asnjë punësim.

Por ato kanë dy avantazhe, kanë një reduktim të madh të taksave gjer në absurditet.

Ato i paguajnë shtetit një taksë krejt të parëndësishme, 5 përqind.

Taksat e vërteta ato ia paguajnë Edi Ramës, Armand Frangut nëpërmjet Ergys Agasit dhe Ermal Beqirit.

Pra në këto livadhe dhe ara të Xhafzotajt, që në pamje të parë sheh njeriu vetëm bar, këtu vidhen nga taksat e qytetarëve shqiptarë qindra milionë euro në vit.

Natyrisht këto janë vetëm taksa, por qindra milionë të tjerë vriten duke vrarë konkurrencën dhe duke u garantuar këtyre kompanive të regjistruara në Troplana, tendera të AKSHI-t dhe të gjithave institucioneve të tjera shtetërore.

Skemë si Troplana, e menaxhuar nga famozja Lubia numër 3, Elira Kokona, në emër të patronit të saj, Edi Rama, gjen vetëm djegësin e Tiranës.

Por dallimi është se në rastin e djegësit të Tiranës, territori është pa asnjë ndërtim dhe janë vjedhur 130 milionë, në rastin e Troplanës, përsëri nuk ka asnjë ndërtim, asnjë ndërtesë, asnjë kompani të vendosur në arat dhe livadhet e Xhafzotajt, por janë vjedhur nga taksat e qytetarëve shqiptarë qindra milionë euro.

Dhe janë vjedhur po nga familja Rama.

Dhe njësoj si në rastin e inceneratorit të Tiranës, për të cilin dy përgjegjësit absolutë kryesorë, Edi Rama dhe Erion Veliaj, nuk u hetuan për asgjë dhe nuk u pyetën asnjëherë, duke qenë autorët më kryesorë të tij, në Troplana gjer sot nuk është pyetur njeri dhe se dihet se Elira Kokana, të cilës vetëm për të mos prishur gojën para jush dhe qytetarëve, mund t’i vihet çdo lloj epiteti për aktin e saj ndaj qytetarëve.

Ka qëndruar në krye të një skeme të quajtur park teknologjik ku ka prej vitesh vetëm livadhe, kurse vidhen qindra milionë euro taksa të qytetarëve shqiptarë.

Ky skandal dëshmon dhe njëherë shkallën më të lartë të inkriminimit të kreut të organizatës kriminale Edi Rama.

Dëshmon se krimet ekonomike të rënda, vjedhjet e tij janë të pakufishme.

Dëshmon dhe njëherë domosdoshmërinë absolute e ngritjes së qytetarëve shqiptare dhe largimit të tij me të gjitha mjetet nga qeveria.

Kreu i organizatës kriminale më të madhe shqiptare, Edi Rama, ka kaluar haptas pa asnjë lloj kufizimi në vjedhje dhe përvetësimin e buxhetit, të ardhurave dhe pasurive publike të këtij vendi si asnjë diktator tjetër mbi tokë.

Jo, nuk ka një të dytë.

Kam besim të plotë se shqiptarët do i japin atij shumë shpejt atë që meriton.