Surrati i Edi Ramës: Ti japësh fytyrë surretërve të të shkuarës…
I tërbuar sikur doli nga salla e operacionit me apandicit të hequr dhe jo nga Kryesia e Partisë Socialiste, kryetari i saj dhe Kryeministri i Shqipërisë, Edi Rama, nuk u tërhoq nga deklaratat e tij primitive mbi ndërprerjen e fondeve për bashkitë që do të zgjedhin përfaqësuesit e opozitës por shtoi dozën e primitivizmit me një fjalor shumë më civilizues se dje me gratë në Roskovec!
“Do kemi një rezultat shumë kuptimplotë për të gjithë, aq sa do të na shpërbljeë për punën që kemi bërë, aq do të na motivojë për punën që do të bëjmë. Kundërshtarët tanë të vërtetë janë problemet që kanë qytetarët në çdo bashki.
Jemi në një moment kur kemi nisur rritjen më të lartë historike të pagave në këto 3 dekada, flet qartë për rritjen e mundësive të ekonomisë. Ka filluar dhe do të përfundojë në vitin e ardhshëm rritja e pagave, ku do të ketë pagë mesatare në sektorin publik 900 euro.
Faktet flasin për një moment jashtëzakonisht të rëndësishëm, në 14 Maj do të vendoset fuqia e bashkëpunimit mes qeverisë dhe qeverisjes vendore, nuk mund ta anashkalojmë dhe të fshehim, që në 14 Maj njerëzit duhet të qëndrojnë në krahun e duhur të historisë. Ana e duhur e historisë është të qëndrosh në krah të aleatëve të Shqipërisë,” tha Edi Rama, ky properëndimor i flaktë i dashuruar në Moskën dhe Beogradin që nuk e konsideron as presion kur votuesit i thotë që nëse nuk më voton mua, unë bashkisë tënde nuk i jap fondet qeveritare që i takojnë:
“Unë kam folur për kukulla të një çifti, ku kemi një nongrata të shpallur nga aleati ynë strategjik, cilësia dhe natyra e raporteve me Shqipërinë vendoset nga ata. Një nga individët më të rëndësishëm të politikës së vendit në këto 30 vite mban damkën e të padëshirueshmit.
Kjo nuk është presion, por është një mënyrë për ti thënë njerëzve, që këta kandidatë nuk janë vënë aty për të zgjidhur hallin e komunitetit, por për të krijuar oaze të luftës politike, për të krijuar barrikada me qeverisjen qendrore. Ne do të bëjmë tonën në çdo bashki.”
Në fund, mediat dhe xhamitë e tyre nën kontrollin e Erion Velisë që dje sulmuan kandidatin e Koalicionit “Bashkë Fitojmë”, Belind Këlliçi, për reklamën me gishtin e mesit për korrupsionin bënë dhe përpjekjen e fundit për ta vazhduar sot lojën edhe me ndonjë akuzë perverse të Edi Ramës, por për Kryeministrin shqiptar ai gisht nuk ishte hataja për kandimimi si kandidatë i Sali Berishës dhe Ilir Metës.
“Ti japësh fytyrë surretërve të të shkuarës që janë në sheshin e betejës për të marrë peng vendin për hallet personale kjo është e pajustifikueshme, kjo është e papranueshme dhe kjo është e pavotueshme.”
Ndryshe, mediat që i kërkojnë mendim për reklamën e rivalit politik nëse është perverse ose jo, një njeriu që dje në Roskovec donte ti bënte lolo të gjitha gratë e fshatit para burrave të tyre, ashtu siç bënë me freshistet e Tiranës, është mjerim civilizimi meqë mediave nuk u thua dot të painformuara edhe kur drejtohen nga impianti “Fuga”!
Për ata që nuk e kanë pa këtë tubim përçmues, jonjerëzor të Kryetarit të PS, Edi Rama, ku normalisht nuk flitej për ndonjë program lokal, ja si përfundoi:
“Hajdeni gra, çohuni o gra. Çohu ti aty, jo ti more, se na prishe pamjen, vetëm gratë thashë. Çohuni gra! Hajdeni këtu! Kërceni! Hë, kërce ti! Mos rri, kërce! E di që doni dhe ju burrat, por jo, njëherë vetëm gratë!”
