Survejimi i Bashës/ Konstitucionalisti: Po shkojmë drejt diktaturës, ja shkaku…

Survejimi i kryetarit të opozitës Lulzim Basha, ishte skandali i radhës që i plasi në dorë qeverisë Rama.

I ftuar në studion e lajmeve të Syri.net, Konstitucionalisti, Çlirim Gjata, e ka cilësuar këtë veprim të mazhorancës, si nivelin e parë të diktaturës.

Sipas tij bashkëpunimi me bandat të çon në veprime të tilla.

‘Këto kohë shpesh gjërat që kanë nxjerrë mediat edhe pse të paverifikuara më vonë kanë dalë të vërteta. Media e nxjerr lajmin por e ka të pamundur të japë detajet dhe burimet, sepse gazetarët janë të pambrojtur. Nuk jemi në Finlandë këtu ku gazetarët mbrohen.

Pse duhet të mbajë nën survejim policia operacionale Bashën, pasi ai i ka thënë të gjitha publikisht,m nuk ka asgjë për të fshehur. Këtu kemi të bëjmë në radhë të parë me shkeljen e të drejtave të njeriut, pastaj kemi të bëjmë me kryetarin e opozitës. Policia operacionale nuk mu8nd të survejojë asgjë pa urdhër qeveritar.

Kudo në botë ndodh që agjensi inteligjente kanë survejuar politikanë opozitarë, por në perëndim nuk përdoren më, përdoren në Siri, Rusi, Kazakistan që janë ende në shkallën eparë të demokracisë. Të përdorësh metoda të tilla në Shqipëri dhe të merret policia, duhet të pyesim çfarë do nxjerri. Atëherë këtu kemi të bëjmë ose me nivelin e parë të diktaturës, ose me paranojën që ka kapur pushtetin.

Ca pret qeveria të kapë Bashën në një tavolinë me kriminelë siç kapën vëllain e ministrit. Edhe po ta kapin këtu s’ka asgjë të kqee, sepse kryetari i opozitës nuk ka asgjë në dorë. Këtu nuk po jep dorëheqjen ministri për skandalin jo drejtuesi i opozitës.

Qeverisë i kanë plasur skandalet me radhë. Tahiri, Xhafa, Kuksi, PPP-të. Kjo qeveri po bashkëpunon me krimin dhe me bandat. Kjo qeveri po kthehet në kryebandënm e të gjitha bandave. Pra bashkëpunimin me bandat ka sjellë këto marrëzira. Të survejosh kryetarin e opozitash është metodë komuniste. Kjo që ka ndodhur në Shqipëri ndodh vetëm në vende që duan të promovojnë diktaturë. Kësaj qeverie i ka rrëshkitur situata nga dora. Këto metoda i sjell bashkëpunimi me bandat.

I vetmi zë që po nxjerr fakte kundër krimit dhe drogës është opozita. Qeveria nën diktatin e bandave dhe nën diktatin e presionit se ku po del të çon në gjëra të tilla’, tha Gjata.