“Syri” i uraganit Milton largohet nga Florida, ka shumë të vdekur

“Syri” i uraganit Milton, i cili kaloi afër rajonit Tampa Bay në lindje të Orlandos dhe Caoe Cabaveral, tani po largohet nga bregdeti lindor i Floridas duke lënë mbrapa përmbytje, erëra të forta, shkatërrim dhe rritje të nivelit të detit.

Sherifi i St. Lucie, Keith Pearson tha për CNN se ka shumë të vdekur, edhe pse nuk ishte në gjendje ta thotë numrin e saktë. “Për fat të keq duhet të raportoj shumë të vdekur,” tha ai duke konfirmuar se vetëm për 20 minuta kishte disa tornado.

“Dhe për fat të keq, tornado goditi disa shtëpi montazhi me njerëz të moshës 55 vjeç e sipër,” tha ai duke konfirmuar se shtëpitë e tyre janë shkatërruar. “Mendoj, gjithçka është zhdukur!”

Reshjet e dendura të shiut vazhdojnë të krijojnë probleme, që mund të jenë prezente deri në largimin e plotë të uraganit në Atlantik. Rritja e nivelit të detit jorrallë është pjesa më e rrezikshme e uraganit. Fjala është për “murin prej ujit” të cilin erërat e fuqisë së uraganit e hedhin në breg dhe mund të shkaktojnë përmbytje katastrofike, në veçanti nëse ka dhe reshje intensive të shiut.

Ndonëse uragani Milton po largohet nga bregu lindor drejt Atlantikut, është e vështirë të vlerësohet se sa është rritur niveli i detit. Ka shumë pak vende zyrtare për matje dhe situata vazhdon të jetë shumë e rrezikshme që të verifikohet saktë.

Mirëpo, Weather Channel raporton për dallgë deri në 2.5 metra në afërsi të Sarasotë dhe deri 1-2 metra në jug të Naplesit deri tek Porti Charlotte. Niveli i detit më së shumëti është rritur në jug të vendit ku ka godit uragani në breg, ndërsa në veri, në bregun e Tampas është konfirmuar rënia e nivelit të detit sepse kishte erëra të forta nga bregu drejt detit, dhe jo e kundërta siç ishte parashikuar.

Kjo do të thotë që niveli i detit ka rënë deri në 1.5 metra.

Venice, FL took a wallop from #HurricaneMilton as it rushed ashore on Wednesday evening.

Here's a look at some of the sights and sounds our field correspondents caught on camera. pic.twitter.com/00El1bQTlA

— WeatherNation (@WeatherNation) October 10, 2024

Rreziku nga përmbytjet në Tampa vazhdon të jetë i lartë edhe pse qyteti i shpëtoi më të keqes nga uragani, tha në mëngjes kryebashkiakja e Tampas, Jane Castor

“Nuk ka përfunduar,” tha Jane Castor. “Në mëngjes në 7:00 kur vie batica, lumenjtë do të përmbysin gjithë qarkun Hillsborough, dhe jo vetëm Tampan.”

Castor tha se në një vëzhgim nga ajri do të shoh dëmet, ku shumica e konsumatorëve të Tampa Energy kanë ngelur pa energji elektrike.

Shefi i policisë në Tampa, Lee Bercaw, tha se kanë ndërhyrë në një shtëpi ku 15 persona ishin bllokuar gjatë natës me rrëzimin e një peme, duke përfshirë dhe fëmijë të vegjël. Të gjithë kanë shpëtuar.

Në Plant City, në lindje të Tampas, zyrtari i bashkisë Bill McDaniel tha se emergjencës i është dashur të shpëtoi 35 njerëz nga vërshimi i ujërave në mëngjes.

“Disa rrugë janë të pakalueshme plotësisht,” tha ai përmes rrjetit social Facebook duke bërë thirrje për përmbajtje nga daljet.

“Nuk e dini se çfarë ka në këtë ujë. Kanalizimet tona janë të mbushura, ka gaz, naftë, ka dhe substanca tjera toksike në ujë. Nuk është e shëndetshme të dilni, dhe ju lutemi të përmbahuni nga daljet dhe futjet në ujërat nga përmbytjet,” tha McDaniel.

Meteorologu Kevin Musso, për ABC News foli lidhur me ndikimin e uraganit Milton në krahasim me ato që ishin parashikuar. Për forcën e uraganit kur arriti në breg dhe vendet në breg, parashikimet ishin të mira, tha ai, por duhet vlerësuar edhe shumë gjëra.

“Çështja e ngritjes së nivelit të detit duhet të pres pak kur të dal dielli, përkatësisht drita e ditës”.

Musso e pranoi se numri i tornadove që lidhen me uraganin ishin larg parashikimeve.

“Tornado po ndodhin, por këta ishin të jashtëzakonshëm.”