Tahiri dorëzoi mandatin e deputetit, deputeti gjerman anullon vizitën në Tiranë

Florian Hahn, deputeti gjerman që do të vizitonte sot Tiranën, ka anuluar axhendën. Ambasada shqiptare në Berlin ka njoftuar institucionet shqiptare për anulimin e vizitës.

Hahn është njëkohësisht edhe zëdhënës i Bundestagut për BE dhe Zgjerimin.

Zyrtari gjerman kishte parashikuar të zhvillonte takime me Presidentin Ilir Meta, kryeministrin Edi Rama, kryetarin e PD, Lulzim Basha, Gramoz Rucin dhe Taulant Ballën.

Lajmi për anullimin e vizitës në Shqipëri ka ardhur në të njëjtën kohë kur ish-ministri i Brendshëm, Sajmir Tahiri, njoftoi dorëzimin e mandatit të deputetit.

Pas pak ditësh Gjermania pritet që të marrë vendimin për hapjen e negociatave ose jo për Shqipërinë.