Eksperti i meteorologjisë, Sylë Tahirsylaj, tha se ndryshimet  klimatike në Kosovë janë sikur edhe në vendet e tjera.

“Kjo është në situatë që do të  tejkalohet. Por kjo sjellë edhe ndryshime tek rendimentet, pasi që nuk ka kushte për t’i tharë të mbjellurat”, tha ai sot në emisionin e mëngjesit “Mirëmëngjesi Kosovë”, në Radio Televizionin e Kosovës, RTK duke shtuar se këtë vit më së miri ka pasur elemente pozitive tek misri.

“Këtë vit misri në Kosovë, është sikur në Kaliforni. Ky vit është i dëmshëm është për grurin, për dredhëzën, për mjedrën”, tha ai.

Për përmbytjet, Tahirsylaj tha se mund të kishin pasoja tek Gryka e Kaçanikut etj, por këtë vit fatmirësisht edhe atje nuk kishte pasoja ndërsa rikujtoi se klima nuk ka atdhe duke përfunduar.

“Vera do të jetë e më vonshme. Në gusht do të shkojnë deri në 35 gradë celsius”, tha ai. Tahirsylaj, vlerësoi se edhe degradimi i pyjeve po sjellë pasoja të rënda. “Në grykën e  Deçanit po ashtu edhe në Pejë është situatë rënd, prerja e pyjeve sjellë edhe përmbytjet në Kosovë.”