Tailandë, para 18 muajve u lejua marijuana – tani ndalohet!

Qeveria e re tajlandeze pritet të votoj ligjet e reja për ndalimin e marijuanës rekreative, vetëm 18 muaj pasi ky vend aziatik e dekriminalizoj konsumimin e kësaj bime që po kërkohet gjithnjë e më shumë, e patronazhistët shqiptar të Edi Ramës e njohin shumë mirë si kultivimin ashtu dhe tregtimin e saj.

Ligjet e zbutura në Tailandë shkaktuan lulëzimin e industrisë së kanabisit e cila furnizon popullsinë lokale dhe turistët, por qeveria e re konservatore premtoi se do të ashpërsoj rregullat dhe do të lejoj vetëm përdorimin mjekësor të marijuanës.

Ministria tajlandeze e Shëndetësisë sot ka publikuar draftin e ligjit i cili parashikon gjoba të mëdha ose dënime me burg deri në një vit, raporton CNN.

Kanabisi mjekësor lejohet

Marijuana dhe produktet që lidhen me kanabisin do të jenë të kufizuara vetëm për qëllime mjekësore dhe shëndetësore, theksohet në draftin e ligjit.

Në muajin shtator, Kryeministri Srettha Thavisin tha se qeveria e tij do të “korrigjoj” ligjet për kanabisin në gjashtë muajt e ardhshëm.

Konsumimi i marijuanës në publik vazhdon të jetë i paligjshëm edhe me ligjet e zbutura, por propozimet e ligjeve të reja do të ndalojnë reklamimin e fletëve dhe ekstraktit të kanabisit, si dhe produktet tjera të kanabisit.

Ligji i mëparshëm nuk u miratua në parlament në muajin nëntor.

Kryeministri Thavisin ishte më i zëshmi në kundërshtimin e përdorimit rekreativ të marijuanës duke deklaruar se keqpërdorimi i drogës është “problem i madh për Tailandën”.

Ndryshe, Tailanda u bë shteti i parë në Azi i cili plotësisht dekriminalizoi marijuanën në qershorin e vitit 2022, që është e rrallë për një rajon ku vendet kanë dënime të ashpra me burg, madje edhe dënim me vdekje për posedim, konsumim ose tregtim të marijuanës.