Takim konslultativ në LDK, Vjosa Osmani: Sot takimi me VV për Marrëveshje!

Nënkryetarja e LDK-së, Vjosa Osmani, në prag të takimit konsultativ të Kryesisë së Lidhjes Demokratike të Kosovës tha se ky takim po zhvillohet pikërisht për seancën e së hënës dhe për marrëveshjen me Lëvizjen Vetëvendosje.

“Kemi takim konsultativ pikërisht për seancën e së hënës dhe për marrëveshjen me Vetëvendosjen. E tëra çfarë mund të them është se përpjekjet për arritjen e marrëveshjes janë më intensive se çdo herë më parë dhe shpresoj që të përfundojnë me rezultat të mirë,” tha Vjosa Osmani duke konfirmuar se më vonë do të ketë takim edhe me Lëvizjen Vetëvendosje.

Ndërkohë në selinë e LDK është shfaqur edhe Nënkryetari tjetër i partisë, Agim Veliu.