Takim me Kryeministrin, N/Sekretarja e Shtetit për Arsim e Kulturë vlerëson bukuritë natyrore të Shqipërisë

Në funksion të zgjerimit të prezencës amerikane në vendin tonë e të bashkëpunimit me qeverinë shqiptare, për rritjen e investimeve e fuqizimin e mbështetjes për Shqipërinë në çdo fushë, Kryeministri Edi Rama sot zhvilloi një takim me N/Sekretaren e Shtetit për Arsimin dhe Kulturën, Marie Royce, e cila vlerësoi Shqipërinë dhe bukuritë natyrore të saj si dhe premtoi se më shumë amerikanë do të shihen në këtë vend në të ardhmen.

”Një pjesë nxënësish shqiptar përfitojnë nga programet tuaja, ka dhe më shumë shqiptarë që përfitojnë në Shqipëri, dhe mendoj se ka shumë gjëra të tjera, dhe mendoj se vizita juaj të ndihmojë më shumë në këtë aspekt. Ka shumë gjëra fantastike për të mësuar nga SHBA në fushat e arsimit e kulturës,” tha Edi Rama duke ju drejtuar N/Sekretares së Shtetit për Arsimin dhe Kulturën, Marie Royce, se nuk janë pak ato që mund të mësoj nga kultura jonë ndërsa përfundoi:

“Kultura është një sferë ku SHBA ka shumë për të mësuar ende nga vendet e tjera dhe kultura e tyre më e vjetër dhe komplekse. Ambasadorja juaj ka sjellë më shumë energji dhe vullnet për të ndihmuar. Ja kalofshi mirë, mezi e kthyem diellin dhe e kemi këtu për ju, shijojeni!”