Takim me Kurtin, Lajçak: U pajtuam për zbatimin e të gjitha marrëveshjeve!

I dërguari i Posaëm i Bashkimit Evropian për dialogun Kosovë-Serbi, Mirosllav Lajçak, pas takimit të mbrëmshëm në Prishtinë me kryeministrin Albin Kurti dhe zëvendëskryeministrin Besnik Bislimi, është shprehur se me liderët kosovarë kanë arritur dakordës për zbatimin e të gjitha marrëveshjeve.

“U ktheva sot në Kosovë për të vazhduar diskutimet e mia të sinqerta, të hapura dhe intensive me Kryeministrin Albin Kurti dhe zëvendëskryeministrin Besnik Bislimin për hapat e ardhshëm dhe rrugën përpara për normalizimin e marrëdhënieve me Serbinë,” tha Mirosllav Lajçak përmes rrjetit social Twitter pas takimit që zhvilloi me Kryemiinistrin Albin Kurti duke përfunduar:

“Ne gjithashtu ramë dakord që të gjitha marrëveshjet e kaluara të dialogut duhet të zbatohen plotësisht.”

Ndryshe, I dërguari i Posaëm i Bashkimit Evropian për dialogun Kosovë-Serbi, Miroslav Lajçak, ka arritur mbrëmë në Kosovë, në përpjekje për të arritur një marrëveshje ndërmjet Kosovës e Serbisë për normalizim. Kjo është hera e dytë brenda kësaj jave që ai viziton Kosovën .