Takim me Prattipatin, Vjosa Osmani: Temë edhe partneriteti strategjik
Vizita e fundit në SHBA, takimet me zyrtarë të lartë të administratës amerikane dhe zhvillimet e fundit në vend, ishin temat e diskutimit në takimin që Presidentja e Kosovës, Vjosa Osmani, zhvilloi me të ngarkuarën me punë të Shtetet e Bashkuara në Prishtinë, Anu Prattipati,
Vjosa Osmani ka shprehur mirënjohje për ftesën e Presidentit amerikan, Donald Trump, që Kosova të jetë shtet bashkëthemelues i Bordit të Paqes, si dhe për garancitë e dhëna për paqen dhe stabilitetin në rajon.
Presidentja e Kosovë ka veçuar takimin me Sekretarin e Shtetit, Marco Rubio, ku, sipas saj, është diskutuar për avancimin e partneritetit strategjik Kosovë–SHBA, me theks në sigurinë rajonale, diplomacinë, ekonominë dhe mbrojtjen.
Me këtë Presidentja Osmani ka rikonfirmuar përkushtimin e Kosovës për angazhim dhe kontribut të vazhdueshëm në këtë drejtim, ndërsa ka ritheksuar rëndësinë e pranisë ushtarake amerikane dhe të aleatëve në kuadër të NATO, duke nënvizuar se anëtarësimi i Kosovës në NATO mbetet objektiv strategjik për paqe afatgjatë.
Zhvillimet e fundit ishin temë e diskutimit në këtë takim, me fokus në përmbylljen e proceseve kushtetuese dhe konsolidimin institucional.
Duke folur për situatën në veri, Presidentja Vjosa Osmani ka theksuar përmirësimet në fushën e sigurisë dhe sundimit të ligjit, duke iu referuar raporteve të fundit të Policisë së Kosovës për vitin 2025, të cilat, sipas saj, konfirmojnë një situatë më të qetë dhe më të sigurt për qytetarët në atë pjesë të vendit.
