Takim me shefen e Misionit të ODIHR, Berisha: Problematika për një proçes zgjedhor normal!
Pas takimit me drejtuesen e Misionit të ODIHR-it për zgjedhjet e 14 majit, Audrey Glover, Kryetari i Partisë Demokratike, Sali Berisha, tha se paraqitën të gjithë problematikën që e konsiderojmë shumë të rëndësishme për një proçes zgjedhor normal.
“Pata një takim me Shefen e Misionin të ODIHR, zonjën Glover ku i paraqita për dështimin e përpjekjeve për ta lënë vendin pa opozitë, vendosmërinë e PD për të çuar përpara proçesin elektoral sikurse e kemi shprehur para shqiptarëve.
Mendoj se zonja Glover ishte te ne një takim për t’u informuar mbi pikëpamjet, faktet dhe zhvillimet sipas PD të këtyre zgjedhjeve në Shqipëri,” tha Sali Berisha duke përfunduar:
“Ne paraqitëm të gjithë problematikën që e konsiderojmë shumë të rëndësishme për një proçes zgjedhor normal.”
Ndryshe, para takimit në selinë e PD me kryetarin e Partisë Demokratike, Sali Berisha, drejtuesja e Misionit të ODIHR-it për zgjedhjet e 14 majit, Audrey Glover, zhvilloi takim me kryetarin e Partisë Lirisë, Iliri Meta.
