Takim me Voltana Ademin, Ambasadorja amerikane: Shkodra është vendim im!

Ambasadorja e SHBA, Yuri Kim, vizitë dy ditore në Shkodër e filloi me Kryetaren e Bashkisë, Voltana Ademi, në zyrëne së cilës u prit dhe nga një shkodrane e vogël e cila në shenjë mirëseardhje i dhuroi një trëndafil.

“Jam e kënaqur që jeni sot këtu, për marrëdhëniet që kemi me shtetin amerikan dhe me emigrantët në Amerikë. Ardhja juaj është edhe një mbështetje dhe komunikimi që ne kemi me ambasadën dhe për mbështetjen që SHBA kanë dhënë për administrimin vendor por edhe për mbështetjen për njerëzit në nevojë”, tha Ademi.

Ndërsa ambasadorja amerikane tha se Shkodra ka një frymë pavarësie, duke theksuar se është qyteti që i përshtatet asaj.

“Është kënaqësi për mua që jam këtu. Është kënaqësi t’ju takoj, pasi kemi pasur komunikimin përmes videos. Ajo që kam mësuar për Shkodrës është fryma e pavarësisë, qëndrueshmëria juaj dhe sa herë dëgjoj historinë e Rozafës më bën të mendoj që Shkodra është vendi im, vendi që më përshtatet mua,” tha Ambasadorja Yuri Kim duke bërë të ditur se do të qëndroj për dy ditë në Shkodër ku do vizitoj qëndrat kryesore.