Takimi historik me Trumpin, Putin: SHBA po bënë përpjekje të sinqertë për të zgjidhur krizën në Ukrainë
Në prag të Samitit historik Putin-Trump në Alaskë ku pritet të jepet fund pushtimit rus të Ukrainës, më në fund ka folur dhe Presidenti i Rusisë, Vladimir Putin, ndërkohë Presidenti Trump ka paralajmëruar dhe një takim të dytë me Presidentin e Ukrainës me ndërmjetësimin e tij!
Presidenti rus Vladimir Putin tha se Shtetet e Bashkuara po bëjnë një përpjekje të sinqertë për të gjetur një zgjidhje për luftën në Ukrainë, raporton Sky News.
Dhe jo vetëm kaq!
Putin sugjeroi që Moska dhe Washingtoni mund të arrinin një marrëveshje për kontrollin e armëve bërthamore që mund të forconte paqen, raporton Agjencia ruse e lajmeve Tass.
Paqja në Botë
Sipas Putinit, marrëveshjet për Ukrainën duhet të krijojnë kushte afatgjata për paqe midis dy vendeve dhe në Evropë.
“Dhe në botë në tërësi, nëse deri në fazat e ardhshme arrijmë marrëveshje në fushën e kontrollit të armëve bërthamore,” tha preisdenti rus, raporton Agjencia e lajmeve Tass.
Më parë këtë vit, Trump tha se donte të riniste bisedimet për kontrollin e armëve bërthamore me Rusinë dhe Kinën. Në atë kohë, ai shprehu shpresën se të tre vendet mund të bien dakord të përgjysmonin buxhetet e tyre të mëdha të mbrojtjes.
Trump si ndërmjetës i takimit Putin-Zelenskyy
Ndërkohë Presidenti Trump u tha dje gazetarëve se mund të ndërmjetësojë një takim të dytë në të cilin do të marrin pjesë Putin dhe presidenti ukrainas Volodymyr Zelenskyy, nëse takimi i nesërm në Alaskë shkon mirë.
Por, Rusia nuk ka dhënë asnjë shenjë se është e gatshme të bëjë lëshime, ndërsa ka shqetësime në Ukrainë se Presidenti Trump mund të arrijë një marrëveshje pa pjesëmarrjen e tyre.
Ndryshe, Presidenti i SHBA, Donald Trump, dhe Presidenti i Rusisë, Vladimir Putin, do të takohen nesër në Bazën Ajrore Elmendorf-Richardson në Anchorage të Alaskës, në një format kokë më kokë, me praninë vetëm të një përkthyesi.
Takimi do të fillojë në orën 21:30 h.
Tema kryesore e takimit do të jetë zgjidhja e krizës në Ukrainë, por të dy udhëheqësit do të diskutojnë edhe për bashkëpunimin tregtar dhe ekonomik.
Takimi do të pasohet me një mëngjes pune me delegacionet dhe një konferencë e përbashkët për shtyp.
