Takimi i ministrave të NATO-s, në axhendë edhe Kosova
Ministrat e Mbrojtjes të vendeve të NATO-s sot do diskutojnë për sigurinë ndërkombëtare dhe misionet e NATO-s në botë, ku temë pritet të jetë edhe Kosova. Sot për herë të parë përfaqësohet edhe Maqedonia e Veriut.
Sekretari i Përgjithshëm i NATO-së, Jens Stoltenberg, në prag të takimit sqaroi se sot edhe nesër, ministrat e mbrojtjes të NATO-s do të takohen dhe do të trajtojnë një gamë të gjerë çështjesh urgjente të sigurisë.
“Midis tyre është Traktati i INF. Rusia vazhdon të shkelë Traktatin e INF-it duke vendosur raketa të reja të mundshme bërthamore të ndërmjetme, raketat SSC-8. Këto raketa janë vështirë të zbulohen, të lëvizshme dhe mund të arrijnë qytetet evropiane, kështu që kjo është diçka që është shqetësim i madh për të gjithë ne. Ne do të vazhdojmë t’i bëjmë thirrje Rusisë që të kthehet në përputhje me Traktatin e INF,” tha Stoltenberg duke mos harruar edhe ndarjen e detyrimeve që pas deklarateve të Presidentit Trump, buxheti dh ekontributet në Aelancë kanë marrë rrugën e duhur:
“Unë e mirëpres faktin se në të gjithë Evropën dhe Kanadanë ne shohim tani që Aleatët po rriten, duke investuar më shumë në mbrojtje. Aleatët evropianë dhe Kanadaja do të kenë shtuar 41 miliardë dollarë shtesë për shpenzimet e tyre të mbrojtjes që nga viti 2016, gjatë 2 viteve të fundit. Dhe pres që ky numër të rritet deri në 100 miliardë dollarë deri në fund të vitit të ardhshëm. Pra, ne po bëjmë përparim në ndarjen e barrës,” tha Stoltenberg duke bërë të ditur sot se do të diskutohet gjithashtu edhe për misionet dhe operacionet e NATO-s në Afganistan, në Irak dhe në Kosovë.
“Dhe më pas, me të vërtetë pres me padurim mikpritjen e ministrit të Mbrojtjes, Radmila Sheqerinska, që përfaqeson Republikën e Maqedonisë Veriore. Pjesëmarrja këtu si e ftuar në takimin e ministrave të Mbrojtjes të NATO-s për herë të parë.
Ndryshe, dje Sekretari i Përgjithshëm i NATO-së, Jens Stoltenberg, duke sqaruar se sot do të diskutohet për Kosovën, theksoi se tranformimi i FSK u bë në një moment të përshtatshëm ndërsa për dy prezencat e NATO-s në Kosovë, misionin e KFOR-it ai tha se do të mbetet i pandryshuar ndërsa ndërsa misioni për ngritjen e kapaciteteve të FSK-së, Sekretari i Përgjitshëm tha se NATO është duke i shqyrtuar.
Stoltenberg, gjithashtu tha, se sa i përket FSK-së, NATO pret respektimin e marrëveshjeve ndërkombëtare duke përfshirë edhe ato të Brukselit, ku theksohet se pjesëtaret e FSK-së nuk do të shkojnë në Veri të Kosovës. Ndërkohë Ambasadorja e SHBA nё NATO Kay Bailey Hutchinson, konfirmoi, se NATO do të punojë me Qeverinë e Kosovës për t’u kujdesur që të krijohet një forcë mbrojtëse shumëetnike, e cila i përfshin të gjitha pakicat, dhe e cila do të shndёrrohet nё forcё që do të veprojё për të mirёn e vendit dhe stabilitetin.
