Takimi i radhës Thaçi-Vuçiç më 7 shtator në Bruksel

Zëdhënësja e Zyrës së Përfaqësueses së Lartë Bashkimit Evropian për Punë të Jashtme dhe Siguri pranë BE, Maja Kocijançiç, ka bërë të ditur se takimi radhës mes presidentit të Kosovës Hashim Thaçi dhe atij të Serbisë, Aleksandër Vuçiç do të mbahet më 7 shtator të këtij viti, në Bruksel.

“Përfaqësuesja e Lartë e Punëve të Jashtme dhe Politikave të Sigurisë si dhe nënkryetare e Komisionit Evropian, Federica Mogherini, do të takojë me 7 shtator në Bruksel, presidentin e Kosovës, Hashim Thaçi dhe presidentin e Serbisë, Aleksandar Vuçiç, në kuadër të dialogut për normalizimin e marrëdhënieve mes tyre”, thekson Kocijançiç përmes komunikatës duke shtuar:

“Përfaqësuesja e lartë do të vazhdojë të diskutojë me të dy presidentët me qëllim të përparimit në arritjen e marrëveshjes për normalizim, me një shikim para për të bërë progres konkret dhe duke i dhënë prioritet dialogut të lehtësuar përmes Beogradit dhe Prishtinës dhe perspektives evropiane të rajonit.”