Takimi i Salianjit, Berisha: Media do ushqim të mbulojë skandalet e tmerrshme të Qeverisë Rama!

Mediat në shërbim të Edi Ramës që trumbetuan gjatë gjithë ditës së djeshme fundin e Kryetarit të Partisë Demokratike, Sali Berisha, pasi Ervin Salianji kishte mbledhur në Durrës më shumë se Berisha në Tiranë, kishin përgatitur sot gazetarët para Palramentit ta gozhdojnë liderin e opozitës me takimin e Salianjit dhe sfidimin e tij.

Fillimisht Kryetari i Partisë Demokratike sqaroi se kemi të bëjmë me agjendën personale të Salianjit, ai i cili është anëtar i Kryesisë dhe nuk ka shtruar asnjë nga këto probleme.

“Asnjë deputet nuk ka nisur asnjë foltore. Ju lutem korrigjojeni.
Po, është një anëtar kryesie, i cili ka një agjendë personale, i uroj ta vazhdojë sa të ketë qejf.
Është një anëtar kryesie, i cili është i kooptuar në kryesi, i cili në asnjë mbledhje kryesie nuk ka shtruar asnjë nga këto probleme, i cili ka një zonë në Kombinat i ngarkuar për analizën dhe të gjitha.
Do të ketë agjendë personale, ta vazhdojë gjer në fund.
Se çfarë ishte salla, atë e di unë. I përgëzoj strukturat e Durrësit që nuk u mashtruan nga një takim me axhendë strikt private,” tha Sali Berisha ndërsa e konsideroi mashtrim deklaratën e Salianjit në Durrës se militanti demokrat nuk dëgjohet.

“Të deklarosh se militanti demokrat nuk dëgjohet, nuk ka mashtrim më të madh se para jush dhe të gjithë shqiptarëve, këto katër vite militanti demokrat ka votuar sa kurrë në ekzistencën e tij.
Dhe vota është mënyra më e mirë e dëgjimit.
Pra, të zgjedhësh një agjendë personale, është një zgjedhje, të cilën unë nuk kam asnjë kundërshtim,” tha lideri demokrat ndërsa përgëzoj demokratët e Durrësit që e braktisën takimin ndërsa iu përgjigjë edhe sandrave, sokolëve dhe hoxhëve të mediave që me padurim po presin gjunjëzimin e Sali Berishës, meqë sipas tyre, të mërkurën e 3 Dhjetorit na e paska rrëzuar edhe demokrati trim me shkop bejzbolli në dorë, dhe sollën pyetjen epike para shtëpisë së Ligjeve: Ndiheni i sfiduar?

“Mos e pyet! Ai po ndjek një agjendë personale dhe kaq. Të vazhdojë me agjendën e tij personale.

Edhe njëherë i përgëzoj anëtarët dhe demokratët e Durrësit, të cilët e braktisën, i përgëzoj.
Aty ishin një grup të pakënaqurish që nuk u futën në listat për deputetë, kishte të tjerë që punuan për PS, ç’është e vërteta dhe që kanë frikë analizën që do bëhet se do u dalë.
Do jetë analiza.
Absolutisht jo, nuk janë ngritur këto akuza fare. Prandaj duhet analiza në parti.
Se ata që i kanë tradhtuar militantët dhe punuan për Ani Dyrmishët dhe të tjerët, sigurisht do japin hesap para strukturave.
Ata të cilët morën udhëtime turistike gjatë fushatës, po paralajmëroj llogaridhënie.
Ata të cilët zgjodhën turizëm në mes të fushatës, ata sigurisht bashkohen se kanë qëllimet e tyre.
Edhe njëherë i përgëzoj demokratët e Durrësit dhe i garantoj se do ketë një llogaridhënie të plotë nga të gjitha strukturat, të gjithë drejtuesit.
Thashë edhe njëherë, agjenda private, disa prej tyre që i njoha, pashë individë që kanë punuar për Ami Dyrmishët, pashë të tjerë që ia kanë mbathur në mes të fushatës për turizëm në mënyrë të dokumentuar.
Tani këta nuk mund të më impresionojnë mua,” tha Kryetari i Partisë Demokratike i pashqetësuar pse Salianji vazhdon me agjendën personale, dhe plotësisht i qartë që media do ushqim që të mbulojë skandalet e tmerrshme të qeverisë.

“Tani, unë e kuptoj që doni ushqim për studio në mënyrë që të mbuloni skandalet e tmerrshme të qeverisë, por e vërteta është se zoti Salianji të vazhdojë agjendën e tij personale.
Ai është i ngarkuar, ka një zonë, ku duhet të bëjë analizën, ka marrë pjesë në analizë në atë zonë, është anëtar kryesie.
Ai ka të drejtë të shtrojë çdo gjë në kryesi dhe çdo gjë në zonën ku është caktuar. Ato nuk kanë rëndësi fare,” tha Kryetari i Partisë Demokratike, Sali Berisha, duke përfunduar:
“Zgjedhja është thelbi i lirisë.
Ai ka bërë atë zgjedhje, e gëzoftë zgjedhjen.”