Takimi Kurti-Rama! A do ta përbuzë sot Kosovën Internacionalja Socialiste?!
Sot Kryeministri Edi Rama nis turin e tij ballkanik në përgatitje të takimit të radhës të Procesit të Berlinit që pritet të zhvillohet në muajin tetor në Tiranë, ndërsa vëmendja e opinionin shqiptar është përqëndruar te takimi në mes të Kryeministrit Albin Kurti me homologun e tij nga Shqipëria, që sipas agjendës së publikuar dhe bazuar në deklaratën e djeshme të Kurtit, vazhdon të jetë në pritje të konfirmimit.
Kryeministri i Kosovës, AlbinKurti, dje u shpreh qartë se takimi i sotëm mund të realizohet nëse zhvillohet mbledhja e dy qeverive e cila u anulua nga Kryeministri Edi Rama pas tensioneve në veri, mbledhje e cila nuk u konfirmua nga Rama; Dhe, në pamundësi të ndërhyrjes së Beogradit në Qeverinë e Kosovës, meqë as LDK dhe as PDK nuk janë në pushtet, sot i ngelet vetëm Internacionales Socialiste të ndërhyjë në mënyrë që Kurti të ndërroj mendje, ta takoj homologun e tij nga Tirana, dhe, ta përbuzë sërish Kosovën!
Gjithsesi, me ose pa takimin me Albin Kurtin, me ose pa përbuzjen e Kosovës, Kryeministri Edi Rama do të vazhdoj i pashqetësuar ashtu si Enver Hoxha në vitin 1946, takimet me vëllezërit e tij sllavo-komunist në Sarajevë, Podgoricë dhe Beograd!
Ndryshe, anulimi i mbledhjes së përbashkët të dy qeverive Kosovë-Shqipëri nga ana e Kryeministrit Edi Rama, ishte masa e parë që iu vendos Kosovës pas akuzave të Serbisë mbi tensionimin e situatës në veri, ndërsa Aleksandar Vuçiçi vetëm sa u kërcënua ndonëse kishte rrëmbyer tre policë të Kosovës ndërsa kishte rrahur për vdekje dhjetëra ushtarë të KFOR-it.
