Takimi Macron-Thaçi-Vuçiç, ja anën e kujt e mbajti Presidenti i Francës

Pas takimeve të ndara që Presidenti i Francës, Emmanuel Macron zhvilloi të hënën në Paris me homologun kosovar përkatësisht atë serb, Presidentit Macron sot zhvilloi një takim të përbashkët me Presidentin e Kosovës, Hashim Thaçi dhe atë të Serbisë, Aleksandar Vuçiç, për të diskutuar mundësitë e arritjes së një marrëveshjeje të paqes Kosovë-Serbi.

“Presidenti Thaçi në këtë takim ka konfirmuar se Kosova është e gatshme të vazhdojë dialogun me Serbinë, në kërkim të një marrëveshjeje për paqe, e cila do të sjellë njohje reciproke dhe anëtarësim në Kombet e Bashkuara, duke i hapur kështu rrugë zhvillimit në Kosovë dhe integrimit në NATO dhe Bashkim Evropian,” thekson Zyra e Presidentit të Kosovës, Hashim Thaçi.

Ndërsa Presidenti i Serbisë, Aleksandar Vuçiç, pas takimit u shpreh për media se Presidenti Macron tregoi angazhimin evropian të zgjidhjes së problemit në tokën evropiane. I pyetur se anën e kujt e mbajti Presidenti Macron, Vuçiç nuk u përgjigj  duke shtuar se në të kundërtën do të ishte subjektiv.  

“Po presim të shohim se kur do të anulojnë taksën dhe të fillojmë bisedimet,” tha Vuçiç ndërsa përsëriti se Serbia ka suficit me Kroacinë, Shqipërinë dhe Maqedoninë e Veriut:

“Sikur asgjë të mos dini gjithkush do të kuptonte përveç politikanëve serbë të opozitës. Ne atyre do tu shesim trena, dhe gjithçka që do të prodhojmë në Serbi. A është e mundur që aq shumë të mos kuptoj dikush nga ekonomia që duhet t’ua vizatoni,” përfundoi Vuçiç duke vazhduar të shes demagogji dhe të akuzoj opozitën serbe pse nuk kupton edhe kur nuk thotë asgjë Presidenti i Serbisë dhe vëllai nga Mini Shengeni Ballkanik i Edi Ramës, Aleksandar Vuçiç.