Takimi me Bashën! U pyet për t’thënë, Rama: Do ishte normale, të uleshim…
Artikulimi i sotëm i Kryeministrit Edi Rama lidhur me Reformën Zgjedhore dhe ecjen përpara nga pika ku ka ngecur, është i ngjashëm si dy pika uji me deklaratat e përfaqësuesit të tij në Këshillin Politik, Damian Gjiknuri, ndërkohë është i bindur se është më i miri, më i urti si dje në opozitë ashtu dhe sot kryeministër. Dhe ndonëse kishte dal për përurimin e Spitalit karantinë COVID 4, u pyet për tu përgjigjur se është i gatshëm të takohet me Lulzim Bashën për Reformën Zgjedhore.
“Ka një sugjerim të kthyer në kërkesë që më pas është përfshirë në një document për një kusht. Një draft që do votohet në Parlament. Mbi bazën e rekomandimeve të OSBE/ODIHR që nuk është ndonjë shkencë. Rekomandimi ka qenë për depolitizim të administratës zgjedhore, jemi të hapur. Në këtë proces për të ndihmuar janë përfshirë edhe ndërkombëtarë partnerë prandaj nuk dua të flas para dëshmitarëve. Ajo që na duhet është të bëjmë sa më pak polemika e lagu se lagu dhe të përpiqemi për produktin më të mirë. Besojmë produkti është aty, i plotëson kushtet. Të gjitha palët kërkojnë gjithçka, ka palë që mendojnë se me ligjin e Reformës fitohen zgjedhjet. Nuk është e vërtetë, apo ky sistem, apo ai sistem që i imagjinojnë se do bëjnë të paimagjunueshmen,” është i bindur Edi Rama ndërkohë që lideri i opozitës kërkonte vetëm ndërkombëtarët sot shprehë keqardhje pse duhen ende amabsadorët:
“Ka dëshmitarë. Por më vjen keq që në 2020 duhet të kenë ende ambasadorë që hyjnë e dalin nëpër seli partish për të bërë marrëveshje. Apo një diskutim mbi rregullat e lojës. Duhet ta kishim bërë prej kohësh vetë këtë. Por meqenëse palët e tjera që kanë nevojë për këtë apo për garanci. Bëmë gjënë e duhur për të lehtësuar komunikimin”.
U pyet dhe përgjigjen e kishte në maje të gjuhës. Po, Kryeministri Edi Rama e konsideron normale një takim me Lulzim Bashën për Reformën Zgjedhore që të ulen dhe merren vesh:
‘’Në Shqipërinë e 2020 nuk është e hijshme për ne për çështje të brendshme dhe që lidhen me vendojen e rregullave të lojës, ku palët janë dy skuadra apo më shumë që zhvillojnë një ndeshje, apo finale ulen dhe bien dakord. Sa është fusha, porta, faull, penallti, të bëhet me ambasadorë që hyjnë e dalin nëpër dyer,” tha Kryeministri Edi Rama dhe ndonëse nuk flet për periudhën e bizantit por për vitet 2009, 2011 dhe 2013 e konisderon veten të pafajshëm në këtë mes:
“Është për të thënë faleminderit përderisa nuk bëjnë dot hapin vetë, duhet ndihmë. Kam qenë në opozitë, dhe i kam kërkuar disa herë kryeministrit të kohës të bisedonim. Tani kanë ndërruar pozicionet. Kërkoj të ulemi, por ju e dini historinë. Do ishte normale të uleshim, merreshim vesh nuk merreshim vesh.’’
Ndryshe, sot Kryeministri Edi Rama ka vizituar ambientet e spitalit karantinë që tashmë quhet edhe COVID-4 dhe ndodhet në aksin Tiranë- Durrës.
Edi Rama tha se COVID-4 është ngritur në kohë rekord dhe do të jetë një Spital karantinë ose siç shërbente Kavalishenca. Edhe me këtë rast përmendi valën e dytë të COVID-19 duke e quajtur këtë spital si përgjigje të duhur ndonëse shpreson që të jetë një parashikim i gabuar.
Ministrja e Shëndetësisë, Ogerta Manastirliu, që po e shoqëronte, tha se kapaciteti i këtij Spitali është 100 shtretër.
